فیلمی خه‌یاڵی زانستی Transformers: Age of Extinction بۆ هه‌فته‌ی دووه‌م له‌ پله‌ی یه‌كه‌م Box Office ئه‌م هه‌فته‌یه‌ هات دوای كۆكردنه‌وه‌ی بڕێ 36.4 ملیۆن دۆلار به‌مه‌ش تێكڕای داهاتی گه‌یشته‌ 174.7 ملیۆن دۆلار دوای دوو هه‌فته‌ له‌ نمایشكردنی.
ئه‌م فیلمه‌ به‌شی نوێی زنجیره‌ی به‌ناوبانگی ئه‌م فیلمه‌ی خه‌یاڵی زانستییه‌، باس له‌ باوكێك و كچێكی هه‌رزه‌كاری ده‌كات له‌ناكاو تووشی جه‌نگێكی نه‌خوازراو ده‌بنه‌وه‌، ئه‌م فیلمه‌ له‌ ده‌رهێنانی مایكل بایه‌ و هه‌ر یه‌كه‌ له‌ مارك والبرگ و ستانلی توتشی و نیكۆلا بیلتز رۆڵی سه‌ره‌كیی تێدا ده‌بینن.
له‌ پله‌ی فیلمی كۆمیدی Tammy هات به‌ كۆكردنه‌وه‌ی 21.2 ملیۆن دۆلار كه‌ له‌ ده‌رهێنانی بیل فالكۆنییه‌ و میلیسا مه‌كارتی و سۆزان ساراندۆن ودان ئه‌كرۆید رۆڵی تێدا ده‌بینن، ئه‌م فیلمه‌ باس له‌ ئافره‌تێكی گه‌نج ده‌كات له‌ناكاو ژیانی تێكده‌چێت دوای ئه‌وه‌ی له‌ كاره‌كه‌ی ده‌رده‌كرێت و بۆی ده‌رده‌كه‌وێت كه‌ هاوسه‌ره‌كه‌ی خیانه‌تی لێده‌كات، بۆیه‌ بڕیار ده‌دات داپیره‌ سه‌رخۆشه‌كه‌ی خۆ له‌ گه‌شتێكدا له‌گه‌ڵ خۆی ببات و زۆربه‌ی ناوچه‌كانی وڵات ده‌گه‌ڕێن بۆ ئه‌وی خۆی بدۆزێته‌وه‌.
له‌ پله‌ی سێیه‌میش فیلمی ترس (Deliver Us from Evil) هات به‌ كۆكردنه‌وه‌ی 9.5 ملیۆن دۆلار له‌ هه‌فته‌ی یه‌كه‌می نمایشیدا و فیلمی (22 Jump Street) له‌ پله‌ی چواره‌م هات به‌ كۆكردنه‌وه‌ی 9.4 ملیۆن دۆلار، له‌ پله‌ی پێنجه‌میش فیلمی (How To Train Your Dragon 2) به‌ كۆكردنه‌وه‌ی 8.8 ملیۆن دۆلار.