مونا واسف له هه‌ولێر هه‌واڵی مردنی خۆی به درۆ خسته‌وه
له كۆنگره‌یه‌كی رۆژنامه‌نووسیدا كه به‌بۆنه‌ی كۆتایی هاتنی فیستیڤاڵه‌كه ساز كرابوو له هۆتێل دیڤانی شاری هه‌ولێر، مونا واسف هه‌واڵه‌كه‌ی ره‌ت كرده‌وه و زیاتریش ده‌رباره‌ی هه‌واڵه‌كه وتی: رۆژی پێنجشه‌ممه كه من گه‌یشتمه له چه‌ند شوێنێك ئه‌و هه‌واڵه بڵاوكرایه‌وه و زۆر له خزمه و كه‌سه‌كانم پێیان زانی بوو له هه‌مان كات ده‌یانزانی من له هه‌ولێرم، ته‌نانه‌ت كوڕه‌كه‌م كه له ئه‌مریكا نیشت جێیه په‌یوه‌ندی پێوه كردم و له ته‌ندروستی پرسیم، به‌ڵام هیچی تری پێ نه‌گوتم، دواتر لێره ئه‌و هه‌واڵه‌یان پێ راگه‌یاندم گوایه من مردووم.
مونا ره‌ت كرده‌وه و وتی : من زۆر خۆشحاڵم كه ئێستا له شاری هه‌ولێرم و له نزیكه‌وه كاروانی ئاوه‌دان كردنی ئه‌م وڵاته ده‌بینم و هیوادارم له‌م كاروانه به‌رده‌وام بن و وڵات زیاتر پێش بكه‌ویت و به پێكه‌نینه‌وه هه‌واڵی مردمی خۆی ره‌ت كرده‌وه و وتی: ئێستا گه بگه‌ڕێمه‌وه شام ده‌بێ له پرسه‌ی خۆم ئاماده بم
