ئه‌نجلیناش بیر له سیاسه‌ت ده‌كاته‌وه
ئه‌نجلینا له دیمانه‌یه‌كیدا له‌گه‌ڵ كه‌ناڵی ( ئای بی سی)ی ئه‌مریكی ئاشكرای كرد كه ئاماده‌یه له هه‌ر كاتێكی گونجاودا بێت خۆی بپاڵێوێت بۆ هه‌ر پۆستێكی سیاسی ئه‌گه‌ر بیرۆكه‌ی خۆ پاڵاوتنی به جددی وه‌ربگیرێت و بزانێت ئه‌و كاره پێویسته، ئه‌نجلینا جۆلی كه باڵیۆزی نه‌ته‌وه یه‌كگرتووه‌كانه بۆ كارباری په‌نابه‌ران له‌م باره‌یه‌وه زیاتر وتی: ئه‌گه‌ر قه‌ناعه‌تم به‌وه هه‌بوو كه پێویسته بچمه نێو بواری سیاسه‌ته‌وه ئه‌وا دا ئه‌م كاره دواناخه‌م و خۆم ده‌پاڵێوم، به‌ڵام من دڵنیام كه ئه‌و لایه‌نانه‌ی نوێنه‌رایه‌تییان ده‌كه‌م جددین له‌وه‌ی من بتوانم ك سێكی چالاك بم له بواری سیاسه‌تدا.
شایه‌نی وتنه ئه‌نجلینا جۆلی به كاره مرۆییه‌كانی ناسراوه له سه‌ر ئاستی جیهان به‌تایبه‌تی له بواری په‌نابه‌ران و به‌م دواییه سه‌ردانی كه‌مپه‌كانی په‌نابه‌ره سوریه‌كانی كردووه له لوبنان و توركیا و ئوردن .
