دوای رفاندنی كۆمەڵە كچێكی نەیجیری لەلایەن گرووپێكی توندڕەوەوە لە سەرتاسەری جیەان ناڕەزایی لێكەوتەوە و بە زۆر شێوە هونەرمەندان و چالاكوانانی مافی مرۆڤ ناڕەزاییان دەربڕی، بەڵام ئەوەی زۆر سەیر بوو و مشتومڕێكی زۆری دروستكرد شێوازی ناڕەزایی دەربڕینی كچە نمایشكاری جلوبەرگی رووسی ئیرینا شایكی هاوڕێی كریستیانۆ رۆناڵدۆ بوو.
ئیرینا بە خۆ رووت كردنەوە بەشداری لە هەڵمەتێكدا كرد بۆ رزگار كردنی ئەو كچانە و دوای ئەوەی ئەكاونتی تایبەت بە وێنەی ئەو هونەرمەند و ناودارانەی كە پشتگیری ئازاد كردنیان دەكرد، ئیرینا وێنەیەكی رووتی خۆی بڵاوكردەوە بە كاغەزێك لەسەر سینگی خۆی نووسیبوو (كچەكانمان بگەڕێننەوە)، ئەم هەنگاوەش لەجیاتی دەستخۆشی لێكردن بووە مایەی شەرمەزاری كردن و ناڕەزاییەكی زۆر و بە هەوڵێكیان زانی بۆ سەرنجڕاكێشانی خەڵك و بە سووكایەتی كردن بە كەسوكاری كچە رفێندراوەكان لە قەڵەمیاندا، هەندێكیان داوایان لە ئیریكا كرد لە جیاتی ئەو وێنانە باشتر بوو بڕێك پارە بداتە رێكخراوەكان كە هەوڵی ئازاد كردنی كچەكانیان دەدا.