شانۆكاری كورد بێهرووز غه‌ریب پوور، سێ شانۆگه‌ریی ئۆپێڕای بووكه‌ڵه‌ له‌ ده‌رهێنانی خۆی، له‌ ته‌لاری فیرده‌وسی شاری تاران نمایش ده‌كات.



شانۆگه‌رییه‌كان بریتین له‌ ئۆپێڕای بووكه‌ڵه‌ی "حافز"، "مه‌وله‌وی" و "له‌یل و مه‌جنوون" و له‌ سێ مانگی داهاتوودا نمایش ده‌كرێن.



شانۆگه‌ریی ئۆپێڕای بووكه‌ڵه‌ی "مه‌وله‌وی" به‌ ئاوازدانه‌ری موزیكزانی ناوداری ئازه‌ری عه‌زیز حاجی بیگۆف، دابه‌شكردنی ئه‌میر بێهزاد و به‌ ده‌نگی گۆرانیبێژانی ئازه‌ربایجانی، له‌وانه‌: خاتوو زێنه‌ب خانله‌رئاوا، عارف بابایۆف و ره‌شید بێهبوودۆف وه‌كوو یه‌كه‌مین ئۆپێڕای ئه‌م شانۆكاره‌ سنه‌ییه‌ له‌ رۆژانی 27 نیسان/ ئه‌پریل تا 9 ئایار/ مایۆ 2014 نمایش ده‌كرێت.



شانۆگه‌ریی ئۆپێڕای بووكه‌ڵه‌ی "حافز" به‌ ئاوازدانه‌ری بێهزاد عبدی و به‌ ده‌نگی محه‌مه‌د موعته‌میدی، محه‌مه‌د زاكیر حوسێن، هاله‌ سه‌یفی زاده‌، سه‌حه‌ر محه‌مه‌دی و 17 گۆرانیبێژی ئێرانی، وه‌كوو دووه‌مین به‌رهه‌می گرووپی شانۆیی "ئاران"، له‌ رۆژانی 17 ئایار/ مایۆ تا 1 حوزه‌یران/ یۆنیۆ 2014 پێشكه‌ش ده‌كرێت.



شانۆگه‌ریی ئۆپێڕای بووكه‌ڵه‌ی "مه‌وله‌وی" به‌ ئاوازدانه‌ری بێهزاد عبدی و به‌ ده‌نگی محه‌مه‌د موعته‌میدی و هۆمایوون شه‌جه‌ریان و هه‌روه‌ها هاوڕێیه‌تی 15 گۆرانیبێژی دیكه‌ی ئێرانی، له‌ رۆژانی 8 ئایار/ مایۆ تا 27 حوزه‌یران/ یۆنیۆ 2014 نمایش ده‌كرێت.