بۆ ئاهه‌نگه‌كانی ئادارو نه‌ورۆز، مێریام فارس دێته هه‌ولێر
سه‌رچاوه‌یه‌ك له لیژنه‌ی باڵای هه‌ولێر پایته‌ختی گه‌شتیاری رایگه‌یاند مێریام فارس خانمه هونه‌رمه‌ندی لوبنانی یه‌كێكه له‌و هونه‌رمه‌ندانه‌ی به‌م بۆنه‌یه‌وه سه‌ردانی هه‌ولێر ده‌كات و ئاهه‌نگێكی گۆرانی ساز ده‌كات، جگه لەو ژماره‌یه‌كی دیكه‌ی هونه‌رمه‌ندانی كورد و عه‌ره‌ب و تورك به‌شداری له‌م فیستیڤاڵه‌دا ده‌كه‌ن.
شایه‌نی وتنه ساڵانه له شاری هه‌ولێر به‌بۆنه‌ی رزگار كردنی شاری هه‌ولێر له راپه‌ڕینه پیرۆزه‌كه‌ی گه‌لی كورد، پارێزگای هه‌ولێر فیستیڤاڵێكی هونه‌ری و كه‌لتووری له شاری هه‌ولێر ساز ده‌كات، ئه‌م ساڵیش به‌شێوه‌یه‌كی جیاوازتر و به‌رفراوانتر ئه‌م فیستیڤاڵه ساز ده‌كرێت به به‌شداریی گرووپی هونه‌ری جیاجیا له چه‌ندین وڵات.
