میریام به‌ سه‌رۆكی چیچان رازی نه‌بوو

میریام به‌ سه‌رۆكی چیچان رازی نه‌بوو
كچه‌ گۆرانیبێژی لوبنانی میریام فارس، گۆرانیبێژێكی ئیسرائیلی به‌وه‌ تاوانبار كرد كه‌ گۆرانییه‌كی به‌ ناوی "إیه اللی بیحێل" دزیوه‌ و به‌ زمانی عیبری دووباره‌ گوتویه‌تی، له‌م باره‌یه‌وه‌ میریام داوای له‌ "إیه إف بی آی"، كردووه‌ به‌ حوكمی ئه‌وه‌ی به‌رپرسیاره‌ له‌ مافی موڵكایه‌تی فكری له‌ جیهان به‌وه‌ی ئه‌م گۆرانییه‌ رابگرن و بڵاوی نه‌كه‌نه‌وه‌.

سه‌باره‌ت به‌ داوای شو كردنی به‌ سه‌رۆكی چیچانیش میریام رایگه‌یاند: ماوه‌یه‌ك به‌ر له‌ ئێستا سه‌ردانی روسیام كردبوو و ژماره‌یه‌ك ئاهه‌نگم ساز كرد، هه‌ر ئه‌و كاته‌ی له‌ رووسیا بووم سه‌رۆكی چیچان قه‌دیرۆف داوه‌تی كردم بۆ ساز كردنی ئاهه‌نگێك به‌بونه‌ی رۆژی نیشتیمانی رووسیا و ئاهه‌نگی له‌دایكبوونی، قه‌دیروف كه‌ خێزانداره‌ و خاوه‌ن منداڵیشه‌ له‌و ئاهه‌نگه‌دا داوای لێكردم شووی پێ بكه‌م، به‌ڵام من ئه‌م داوایه‌م ره‌تكرده‌وه‌، هه‌رچه‌نده‌ ئه‌مه‌ له‌ ئایینی ئیسلامدا ئاساییه‌ كه‌ پیاو زیاتر له‌ ژنێكی هه‌بێت.
Top