رۆژێك دێت ئەوەندەی ئۆتۆمبیل بە سەرزەویدا دەڕوا، ئەوەندەش فڕۆكەی بچووكی بێ فڕۆكەوان بە ئاسماندا بفڕن. فڕۆكەی بێ فڕۆكەوان یا بە واتایەكی دیكە (كۆداكۆپتەر) بۆ هەموو ئەركێك. لە كاروباری نەخۆشخانە و فریاكەوتنەوە هەتا دەگاتە كاری فیلم هەڵگرتنەوە و سینەمایی، لە كاری سیخوڕیەوە هەتا كاری گواستنەوە و گەیاندن...
كۆمپانیای PowerVision كۆداكۆپتەرێكی بچووكی بەناوی PowerEgg X بەرهەمهێناوە كە لە شێوەی هێلكە دەچێت. فڕۆكە بچووكەكە كامێرایەكی لەسەرە كە لە زەینی دەستكرد سوود وەردەگرێ.
جگە لەوەی كە ستایلی كۆداكۆپتەرەكە لەوانی دیكە جیاوازە، كامێراكەشی هۆشمەندە و خۆكارە.. كامێراكە لە سێ لاوە وێنە دەگرێت. لە بەرامبەر تەڕبوون و تۆزخۆڵدا خۆراگرە و تێكناچێت. كامێراكە روخسارەكان دەناسێتەوە و بەدوای مەبەستی وێنەكەدا رادەكات. ئەگەر سوژەكە خۆی بزر بكات و لە شوێنێكی دیكە كامێراكە بیدۆزێتەوە دیسان بەدوایدا دەگەڕێت، ئەمە بۆ كاری سیخوڕی و ئەمنیەتی زۆر گونجاوە.
دژە لەرینەوەیە و هەروەها هەتا 5 كاتژمێر شەحنی كامێراكەی دانابەزێت.