سامسۆنگ و زۆربەی كۆمپانیاكانی دیكەی بەرهەمهێنی تەكنەلۆژیای نوێ، هەوڵ دەدەن گۆڕانكاری لە زۆربەی ئامێرەكاندا بكەن بەتایبەتی لاپتۆپ. لاپتۆپەكان كێشان كەم دەكەنەوەو كاراییان دەبەنە سەر.
نوێترین لاپتۆپی كۆمپانیای سامسۆنگ لاپتۆپی جۆری Galaxy Book Flexە. جگە لەو لاپتۆپەش لاپتۆپی Galaxy book IONی بەرهەم هێناوە.
لاپتۆپی جۆری گەلەكسی بووك فلێكس، لاپتۆپێكی لاپتۆپ- تەبلێتە، واتە بە سووڕاندنی شاشەی لاپتۆپەكە دەكرێت بیكەی بە تەبلێتێكی گەورە. لاپتۆپەكە لە دوو قەوارەی 13.3 ئینجی و 15.6 ئینجی بەرهەم هاتووە. تەواو لەمسییە. شاشەكەی لە جۆری QLEDیە.
نوێترین كارتی گرافیكی ئەنتەلی لەسەرە. رامەكەی 16 گیگابایتە و قەوارەی شوێنی هەڵگرتنی داتاكانی 1 ترابایتە و لە جۆری SSDیە.
سیستەمی پەنجەمۆری هەیە، بلوتوس 5ی لەسەرە و كامێراكەی لە جۆری HD 720ە.