سەرپێچ یا دەسرە، ئەو پارچە پەڕۆیەی كە جاری جاران ئەگەر یەكێك سەری ئازاری هەبوو، لە دەوری سەری دە هاڵاند، زۆر جارانیش كاریگەری هەبوو و بەكارهێنەر ژانە سەرەكەی نەدەما.
لەم سەردەمەدا ئەم سەرپێچەش بەرەو دیجیتالی رۆیشتووە و هەمان سەرپێچ بەناوە ئینگلیزەكەی دەناسرێ واتە (هێد بەند). هێدبەندی دیجیتالی بۆ نەهێشتنی ژانە سەر و هەروەها بۆ نەهێشتنی نیگەرانی و ئارامی بەخشین بەرهەم هاتوون.
سەرپێچی جۆری یەكێكە لەم جۆرە سەرپێچانە ELF emmit. ئەم سەرپێچە سترێس و نیگەرانی كەم دەكاتەوە، وەجوڵەخەری زەین و جەستەیە ئەمەش هۆكارێكە بۆ نەهێشتنی نیگەرانی. خەوێكی باشتر بۆ بەكارهێنەرەكەی دەرەخسێنێ.
هێدبەندی ناوبراو شەپۆلێكی موگناتیسی دروست دەكات و بۆ مێشكی بەڕێ دەكا، ئەمەش دەبێتە هۆكارێك بۆ نەهێشتنی نیگەرانی و سترێس.
هێدبەندەكە لەرێگای مۆبایلەوە هەڵدەبێت و كۆنترۆڵ دەكرێت. پێنج شەپۆلی تێدایە، لەگەڵ هەردوو سیستەمی ئەندرۆید و ئای ئۆ ئێس دەگونجێت. سەرپێچەكە لەلایەن سیستەمی پزیشكیەوە پەسند كراوەو وەك هۆكارێك بۆ كەمكردنەوەی ئاڵۆزی دەروونی و نیگەرانی داندراوە.