لەگەڵ ئەوەی دا تەكنەلۆژیا گەیشتۆتە لوتكە، بەڵام هێشتاش لە وڵاتی ئێمەدا هەر بەدەست لە دەرگا دەدرێ بۆ كردنەوەی دەرگا، ئەو ماڵانەی جەرەسی دەرگاشیان هەیە تەنیا زەنگی دەرگای سەردەمی كۆنە، پلاكێك و جەرەسێك و هیچی دیكە! بەڵام لەگەڵ ئەوەشدا بۆ مۆبایل هەوڵ دەدەین نوێترین مۆبایلەكانی جیهان بەكاربێنین.
ئێستا سەردەمی جەرەسی دەرگای ئەلكترۆنیش نەماوە، دەبێت جەرەسی دەرگا سمارت و هۆشمەند بێت، لەم ماوەیەدا كۆمپانیای TP-link لە پیشانگای cesدا نوێترین زەنگی دەرگای هۆشمەندی خستەڕوو..
زەنگی دەرگای هۆشمەند كە كۆمپانیای ناوبراوی خستیەڕوو بە جەرەسی جۆری Kasa Smart Doorbel ناسراوە. كوالیتی نیشاندان و فیلم هەڵگرتنەوە k2یە. لە تەكنەلۆژیای HDR و تیشكی سەرووی سوور سوود وەردەگرێ تا لەو ساتانەی كە تاریكیشە یان رووناكییەكی زۆر هەیە، وێنەی پشت دەرگا بەباشی نیشان بدا. زەنگی دەرگای ناوبراو روخساری ئەندامەكانی ماڵەوە دەناسێتەوە، هەروەها مایك و سپیكەریی تایبەتیشی لەگەڵدایە. فیلمی ئەوانەی كە لە دەرگایان دایاوە هەتا دوو رۆژ لەخۆیدا رادەگرێ، بەڵام دەكرێت بە هاوبەش بوون لە خزمەتگوزاری kasa care رۆژەكان زیاتر بكەی.