كامێرای چاودێری لە جۆری Kasa Security Camera بەرهەمی كۆمپانیای TP-linkە، ئەم كامێرایە بۆ گواستنەوەی فیلمەكان پێویستی بە كێبڵ نییە و لە رێگای وای-فایەوە فیلم دەگوازێتەوە، باتریی تایبەتی خۆی لەگەڵدایە كە شەحن دەبێتەوە و لەكاتی بڕانی كارەباش كێشەیەكی ئەوتۆی بۆ نایەتە پێش. كوالیتی كامێراكە 1080پیكسلە واتە full HDیە. هەر بەو كوالیتەش وێنەكان بۆ سەر مۆبایلی ئایفۆن یا ئەندرۆید دەگوازێتەوە. هابێكی تابەتیش بۆ كامێراكە داندراوە كە باترییەكەی شەحن دەكاتەوە و بەهێزی دەكات. كامێرای ناوبراو لەكاتە هەستیارەكاندا زەنگی مەترسی لێدەدات و دەنگی دەوروبەر تۆمار دەكات. ئەو فیلمانەی كامێراكە دەیگرێت دەكرێت هەر لە ئینتەرنێتدا تۆمار بكرێن، شوێنیكی تایبەتی هەیە لە ئینتەرنێتدا بۆ هەڵگرتنی ڤیدیۆ تۆماركراوەكان، تا دوو رۆژ دەكرێت فیلم و وێنەكان لە شوێنی تایبەتی خۆی لە ئینتەرنتێدا ئەرشیف بكرێن، بەڵام ئەگەر پێویستی كرد كاتەكە زیاتر بكەی ئەوە تێچووی خۆی دەوێت و بە خۆڕایی نییە.