چەند ساڵێكە بە چڕی هەوڵ دەدرێت، ئۆتۆمبیلی فڕۆكە بەرهەم بێت كە بكرێت گشتگیر بكرێت و شوێنی ئۆتۆمبیلی ئاسایی بگرێتەوە و قەرەباڵغی ناو شارەكان نەهێڵدرێت، بەڵام بۆ گەیشتن بەو ئامانجە ماوەیەك دەخایەنێت. ئەمساڵ لە دوبەی تاقی كرایەوە، پێشتریش لە چەند وڵاتی دیكە وەك تێست تاقیكرابۆوە، بەڵام نەبۆتە دیاردە و گشتگیر نەبووە.
كۆمپانیای (Vertical Aerospace) كە لە بەریتانیا چالاكی هەیە، نیازی هەیە لە ماوەی چوارساڵدا ئەم خەونە بێنیتە دی و لەنێوان شارەكانی بەریتانیادا تاكسی فڕۆكە هاتووچۆ بكات.
فڕۆكە سێ تایەكەی كۆمپانیای ناوبراو كە بە باتری كار دەكات و چوار پەروانەی هەیە و كێشی 750 كیلۆیە، جارێ لە تاقیكردنەوەدایە و فڕینەكەی بەسەركەوتوویی ئەنجامداوە. پێدەچێت خێرایی تاكسیە فڕۆكەكە 320 كیلۆمەتر لە كاتژمێرێكدا بێ و بۆ هەر شەحنكردنەوەیەكیش تا 800 كیلۆمەتر بفڕێت.