ئامازۆن كە یەكێكە لە بەناوبانگترین كۆمپانیاكانی كڕین و فرۆشتن لە ئینتەرنێتدا، لە بواری بەرهەمهێنانی تەكنەلۆژیاشدا جێ پەنجەی دیارە. ئامازۆن بە سپیكەرە سمارتەكانی ناسراوە، یەكێك لە سپیكەرە سمارتەكان Echo showیە كە بەم دواییە ڤێرژنی 5ی ئەم بڵندگۆیە كەوتە بازاڕ.
ئەم بڵندگۆ هۆشمەندە لەگەڵ سیستەمی دەنگی ئەلكسای ئامازۆن پەیوەند دەدرێ و فەرمانەكان لەوێوە جێبەجێ دەبن. سپیكەرە سمارتەكە شاشەیەكی 5,5 ئینجی هەیە و كە بۆ نیشاندانی فیلم و ڤیدیۆكانی خودی كۆمانیا سوودی لێدەبیندرێ.
بەهۆی ئەم سپیكەرەوە دەتوانرێت وەڵامی پەیوەندییە ڤیدیۆییەكان بدەیەوە، چونكە خۆی كامێرایەكی تایبەتی بۆ پەیوەندی گرتن تێدایە. ئەم سپیكەرە دوو رەنگی سپی و رەشی هەیە و بۆ كۆنترۆڵكردنی ئامێرە سمارتەكانی ماڵەوە سوودی لێدەبیندرێ.