فووتە یا (میتر) لە سەردەمی دیجیتالیدا گۆڕانكاری زۆری بەسەرداهات، ئێستا تەنانەت مۆبایلەكەشت دەكرێت كاری فوتەی پێ ئەنجام بدەی و بە وردی ئەنجامەكەت بۆ دیاری بكات.
فووتە سمارتەكان ئەوەی پەیوەندی بە پێوان بێت ئەنجامی دەدەن، هەتا مەوداكەی لە كیلۆمەتریش تێپەڕێت.
یەكێك لە فووتە زیرەكەكان میتتری جۆری “bagel”ە. ئەم فووتەیە لەگەڵ مۆبایل بە هەردوو سیستەمی ئەندرۆید و ئای ئۆ ئێسەوە پەیوەند دەدرێت. ئەنجامەكەی لەسەر شاشەی مۆبایل دەردەكەوێت یان لەسەر ئەو شاشە بچووكە كە لەسەر فووتەكە هەیە.
فووتەی «باگێل» بە دەنگی بەكارهێنەرەكەشی كار دەكات و فەرمان لەو وەردەگرێت، تەنانەت ئاكامەكانیش بە دەنگ دەڵێتەوە. لەم فووتەیەدا تەنیا پەتێك هەیە كە بۆ ئاسانكاری دەتوانێت بە دەوری هەموو شتێكدا بسووڕێتەوە، یانی بۆ پێوانەی كۆڵەكەیەك یان شتێكی لاكێشەیەی بەگشتی بۆ هەموو شوێنێك.
جگە لەو پەتە بەهۆی تیشكی لەیزەرەیشەوە ئەندازە دەگرێت، هەروەها لە هەستەوەری سەرووی دەنگیشەوە سوود وەردەگرێت، بۆ نموونە بتهەوێ مەودای خۆت و تەنێكی دوور بپێوێت. میمۆری ناو فووتەكە دەتوانێت سەد لێكدانەوە و چەندین پەیامی دەنگی لەخۆیدا تۆمار بكات.