لاپتۆپەكان بەتەواوی شوێنی كۆمپیوتەری دیسكتۆپ و كۆنسۆلەكانی گەیمیان گرتۆتەوە. هەڵگرتن و راگواستنی لاپتۆپەكان ئاسانترە، كێشەی وزەیان نییە هەربۆیە دەتوانن شوێنی كۆمپیوتەری سەرمێز و بەهێزترین كۆنسۆلەكانی یاری بگرنەوە..
یەكێك لە بەهێزترین لاپتۆپەكانی گەیمینگ لاپتۆپی جۆری Acer Predator Triton 900ە، لاپتۆپێك كە پرۆسیسەری جۆری Core i7 لەسەرە و بەهێزترین كاتری شاشەی هەیە. شوێنی داكردنی داتاكان واتە هاردی لاپتۆپەكە لە جۆری SSD و یەك ترابایتە.
ستایلی لاپتۆپەكە لە لاپتۆپی دیكە جیاوازە، شاشەكە دەجوڵێت و بە هەموو لایەكدا دەسووڕێت، هەروەها دەكەوێتە سەر كیبۆردەكە. باترییەكی زۆر بەهێزی هەیە، ئەوە ئاساییە كۆمپیوتەرێكی بەهێز دەبێ باترییەكەی بەهێز بێت. شاشەكەی لە جۆری 4Kیە. شوێنی دانانی دوو رامی هەیە كە هەركامیان 16 گیگابایتن.