ئۆبێر گەورەترین كۆمپانیای خزمەتگوزاری تاكسییەـ لە زۆربەی وڵاتانی جیهاندا خزمەتگوزارییەكانی بەردەوامن، لەم دواییەدا لە هەرێمی كوردستانیش بەشی (ئۆبێر تاكسی) كراوەتەوە.
كۆمپانیای ناوبراو لەم ماوەیەدا یەكەم تاكسی هەوایی خۆی خستەڕوو، ئەم تاكسییە لە ساڵی 2023 زاینیدا گشتگیر دەبێ و دەخرێتە بواری خزمەتگوزاری هاتووچۆوە.
تاكسیە هەواییەكەی ئۆبێر بە uber air ناسراوە، دەتوانێت چوار كەس هەڵبگرێت. هەرچەندە هەتا ئێستا خەرجی گواستنەوەی نەفەرات دیاری نەكراوە، بەڵام پێدەچێ لە كۆپتەر و فڕۆكە هەرزانتر بێت و زووتریش بگاتە شوێنی مەبەست، چونكە لە مەودایەكی كەمتر لە فڕۆكە و كۆپتەردا هاتووچۆ دەكا.
یەكەم گەشتی لە شارەكانی دالاس و لوس ئەنجلوس ئەنجام دەدا.