كۆمپانیای پاناسۆنیك كە یەكێكە لە كۆمپانیا بەرچاوەكانی بواری بەرهەمهێنانی ئامێری ئەلكترۆنی، لەم دواییەدا لاپتۆپی جۆری Toughbook S10ی بەرهەم هێناوە كە تەواو بۆ شوێنە سەخت و دژوارەكان بەرهەم هاتووە، وەك دەشت و دەر و چیاكان، لاپتۆپەكە شاشەكەی 12 ئینجە، كێشەكەی نزیك بە كیلۆ و نیوێك دەبێت، بەڵام تایبەتمەندی هەرە گرنگی لاپتۆپەكە لەوەدایە كە هەتا دوازدە كاتژمێر و نیو باترییەكەی دانابەزێت، پرۆسیسەرەكەی جۆری Intel core i5ـە و هاردەكەی 320 گیگایه و رامەكەی لە نێوان 4 هەتا 8 گیگابایتە. جگە لەوەش یەكێكی دیكە لەتایبەتمەندییەكانی ئەم لاپتۆپە ئەوەیە كە ئەگەر لە بەرزاییەكی بەرزیش را بەربێتەوە تێك ناچێت. بەشێكی دیكە لە تایبەتمەندییەكانی ئەم لاپتۆپە ئەوانەن: لە بلۆتۆسی G3 سوود وەردەگرێ، شوێنێك واتە “پۆرت”ێكی USB3 تێدایە لەگەڵ دوو شوێنی USB2. پۆرتەكانی VGA و HDMIی هەیە.