چوارچێوەی وێنەی دیجیتالی زۆر لەمێژ نییە شوێنی خۆی وەك دیكۆری ماڵەوە گرتووە، چوارچێوەی وێنەی دیجیتالی هەر وەك چوارچێوەی وێنەی ئاسایی دەچێت كە تەنیا یەك وێنەی تێدا دادەنرا، بەڵام چوارچێوەی وێنەی دیجیتالی دەتوانی بە هەزاران وێنەی تێدا جێبكەیەوە و بەو تایمەی كە بۆ داندراوە وێنەكان دەگۆڕێت و لەگەڵ وێنەكانیشدا ئەو مۆسیقایەی بۆت دیاری كردووە بڵاودەكاتەوە.
كۆمانیای سۆنی چوارچێوەیەكی وێنەی دیجیتالی بەرهەم هێناوە كە لەگەڵ ئەوەیدا وێنەكان بە سلاید نیشان دەدات دەتوانێ هەر وێنەیەك كە نیازتە پرێنتی بكەی و هەم چوارچێوەی دیجیتالییە و هەم پرینتەر. چوارچێوە دیجیتالییەكە بە DPP-F800/B ناسراوە شاشەیەكی LCDی روون و شەفافە و خاوەنی 256 میگابایت هاردە. دەكرێت 500 وێنە بە كوالیتی بەرزەوە تێیدا خەزن بكرێت، لەو چوارچێوە دیجیتالییەدا دەتوانی وێنەكان بسوڕێنی و هەروەها دەكرێت چەندین كارتی میمۆری بۆ دابندرێت. وێنەكان دەكرێت بە ریمۆت كۆنترۆڵی تایبەت كۆنترۆڵ بكرێن.