بەهاتنی مانگی رەمەزان پێویستە باسی یەكێك لە ئامێرە دیجیتاڵییە ئیسلامییەكان بكەین كە ئەویش پێنووسێكی دیجیتاڵییە كە دەتوانێ قورئان بخوێنێتەوە و بە زمانی ئینگلیزی و ئوردو تەفسیری بكات، هەرچەندە تاكو ئێستا هەر ئەو دوو زمانەی تێدایە، بەڵام ئەو كۆمپانیایەی كە ئەو پێنوسەی بەرهەم هێناوە كۆمپانیایەكی چینییە و بەڵێنی داوە زمانەكانی دیكەشی تێدا زیاد بكات.
پێنووسەكە لەسەر هەر قورئانێك دابنێی و هەروەها لەسەر هەر ئایەتێك بەبێ گرفت دەیخوێنێتەوە. هەروەها قەڵەمەكە هەر ئایەتێك كە مەبەستتە لەخۆیدا سكانی دەكات. مەبەست لەبەرهەمهێنانی ئەو پێنووسە بۆ ئەوەیە كە ئەو كەسانەی حەز دەكەن فێری قورئان خوێندن بن قەڵەمەكە یارمەتیدەریان بێت. تۆماركردنی دەنگ بە فۆرماتی MP3 تایبەتمەندییەكی دیكەی قەڵەمەكەیە.