كاتژمێر جاران هەر بەو ئامێرە دەگوترا كە لە مەچەك دەخرا و كات و رۆژمێری نیشان دەدا، بەڵام ئێستا لەسەردەمی دیجیتالیدا كاتژمێر هەموو شتێكە، باشترین تایبەتمەندی كاتژمێری جاران ئەوە بوو كە ئاوی نەدەچووێ و كاتی بە دروستی نیشان دەدا. بەڵام ئەگەر سەیری كاتژمێری VEA Sportive سپرتۆی فەرەنسی بكەین، ئیدی تێدەگەین كاتژمێر هەموو توانایەكی تێدا كۆبۆتەوە.
كاتژمێری VEA Sportive كە لەلایەن كۆمپانیایەكی فەرەنسی بەرهەم هاتووە ئەو تایبەتمەندیانەی تێدایە، وەك هەموو كاتژمێرێكی ئاسایی كات نیشان دەدات، میدیا پلەیەرە و دەتوانی گوێ لە گۆرانی رابگری، كۆنترۆڵی لێدانی دڵت تۆمار دەكات، كاتژمێرەكە تایبەتە بە وەرزشوانان، چونكە جگە لە كۆنترۆڵی لێدانی دڵ، سیستەمی GPSی هەیە بۆ ئەوەی كە بزانی لە كام شوێنی جوگرافی، مۆبایلێكە دەتوانی پێوەندی بە دۆستانەو بگری، جگە لەوەش 8 گیگابایتی هەیە بۆ داكردنی داتاكانتان. سیستەمی بلوتۆسی هەیە، سیستەمی زانینی خێرایی رۆیشتنی هەیە، هەروەها ئەو مەودایەی كە رۆیشتووی دەیپێوێ، لەهەمووی گرنگتر پێوانی رێژەی سووتاندنی كالۆرییە، دیارە ئامێرێك كە هەموو ئەو تایبەتمەندییانەی هەبێ، بەبێ كامێراش نابێ، بەڵێ كامێراشی هەیە. كاتژمێرەكە پێویست ناكات سەیری بكەی، هەركاتێك دوگمەیەكت داگرت كاتەكەت پێدەڵێت. ئەوەیە كاتژمێر!