ئایفۆن ئیدی هەر لە بازنەی مۆبایلدا نەماوە، زۆربەی ئەركی رۆژانە بە ئایفۆن دەكرێ ئەنجام بدەی، لەم دواییانەدا ئەندازیارانی كۆمپانیایەكی ئایتی لە ئەمریكا داهێنانێكی نوێیان بۆ ئامێری ئایفۆن داناوە، ئەویش ئامێرێكە كە دەتوانێت عەدەسەكانی جۆری SLR لە مۆبایلی زیرەكی ئایفۆن پێوەند بدرێت. ئەو پایەیە دەتوانێت ببێتە چوارچێوەیەك بۆ دانانی عەدەسەی جۆری Fی كامێرای “نیكن” و هەروەها عەدسەكانی جۆری EF كامێرای كانون. هەرچەندە نەبوونی ئاوێنە لە ناوكامێرای ئایفۆندا دەبێتە هۆی ئەوەی كە ئەو وێنانەی بە عەدەسە دەگیرێن بەراوەژوو نیشان بدرێن، بەڵام لەبری ئەوە دەتوانی گەورەیی و فۆكس بدەی بە وێنەكە.
