بۆ ئەوانەی بەردەوام چات دەكەن و له سەر ماسنجەرەكانی یاهوو، MSN، سكایپی.تاد بە ڤیدیۆ و دەنگ و رەنگ چات دەكەن. هیچ شتێك بە قەد وێبكەمێكی گونجاو كە وێنە و فیلمەكە بە كوالیتییەكی بەرز بگوازێتەوه گرنگ نییە. هەرچەندە وەرگرتن و بەڕێكردنی دەنگ رەنگەكەش بەشێكی بەستراوەتەوە بە خێرایی ئینتەرنێت، بەڵام لە وڵاتانی دیكەدا رەنگە ئەوە هیچ گرفت نەبێت، چونكە خێرایی ئینتەرنێت لەسەرێیە بۆیە وێبكەمێك ئەوەندە گرنگە.
كۆمپانیای Logitech بەم دواییانە وێبكەمێكی نوێی بەرهەم هێناوە كە دەكرێ بڵێین بۆ ئەوانەی چاتی ڤیدیۆیی دەكەن جێگەی رەزامەندی دەبێت، چونكە بە كوالیتی HD وێنە بەڕێ دەكات. وێبكەمەكە توانای وەرگرتنی وێنەی بە كوالیتی 720 پیكسل و 1080 پكیسلیش لەكاتی تۆماركردنی فیلمەكەیدا هەیە. وێبكەمەكە ئۆتۆماتیكی بێ هیچ چەشنە پرۆگرامێك ئینستۆل دەبێت. دەتوانرێت هەتا 360 پلەش بە دەوری خۆیدا بیسوڕێنی.