لە سەردەمی دیجیتالیدا، كۆمپیوتەر بۆ هەڵگرتنی داتا گرنگەكان گەورەترین رۆڵ دەبینێت، چونكە دەكرێ هەرچی نهێنی و نووسراو و بەڵگەی هەتە لەسەر كۆمپیوتەرەكەت خەزنیان بكەی و بۆ هەتاهەتایە بیانپارێزی، هەربۆیە راگرتنی كۆمپیوتەر و پاراستنی داتاكان لەوەی كە بدزرێن و لەناو بچن زۆر گرنگە. چەندین پرۆگرام هەن كە ئەركی قفلكردن واتە “لۆك” كردنی كۆمپیوتەریان هەیە، جگە لەوەش چەندین ئامێری بچووكیش هەن كە هەر ئەو ئەركە ئەنجام دەدەن، یەكێك لەو ئامێرانە ئامێری USB Warless lock withە، ئامێرەكە بەبێ هیچ وایەرێك لەكاتی دیاریكراودا كە لە كۆمپیوتەر دووركەوتیەوە كۆمپیوتەرەكە قوفل دەدات، ئامێرەكە لە دوو بەش پێكهاتووە، بەشی یەكەم فلاش میمۆرییەكە، ئەوی تریان كۆنترۆڵێكە. بەهۆی ئەوانەوە دەكرێت لە دوورەوە كۆمپیوتەرەكەت قوفل بكەی.