پێدەچێت مۆبایل گشت سنوورێك ببەزێنێ و جگە لە بوارەكانی دەنگ و رەنگ و پێوەندی و ..تاد لە بواری پزیشكی و بوارەكانی تریش خۆی تاقیبكاتەوە. هەستەوەرێكی بچووك و ئامێرێكی تایبەت كە بە مۆبایلەوە پێوەند دەدرێن بەسە بۆ ئەوەی كە مۆبایلەكەت وەك پزیشكێك هێماكانی ژیانت بزانێت.
ئامێرەكە زۆر سادە و راگواستنی ئاسانە، تەنیا ئەوەندە بەسە كە سەری پەنجەت بخەیە ئەو شوێنە تایبەتەی كە بە “فۆن ئیكسمەتر” ناسراوە، ئیدی گشت زانیارییەكی تایبەت بە لێدانی دڵ، لێدانی هەناسە و رێژەی ئوكسجینی خوێنت بزانێ و لەسەر شاشەی مۆبایلەكەت نیشانی بدات. دوای زانینی زانیارییەكانی سەر شاشەكە هەر ئەوەندە بەسە كە بۆ دكتۆری لێپرسراو زانیاری سەر شاشەكە بخوێنیەوە، ئەویش بەهۆیەوە دەزانێت كە لەكاتێكی ئاوادا چ بكەیت و چ چارەسەرییەك بەكار بێنیت.