ماوس وەك ئامرازی سەرەكی لە كردنەوەی پرۆگرامەكان و فەرماندان بە كۆمپیوتەر رۆڵێكی گرنگ دەبینێ، ماوس بە بەراورد بە ئامێرەكانی دیكەی كۆمپیوتەر گۆڕانكارییەكی ئەوتۆی بەسەردانەهاتووە. ساڵی رابردوو كۆمپانیای ئەپڵ جۆرە ماوسێكی بەرهەم هێنا كە توانا و دیزاینەكەی جێگەی تێڕامان بوو.
ئەمساڵ كۆمپانیای مایكرۆسۆفت ماوسێكی نوێی بەرهەم هێناوە كە دەكرێ بڵێین ركابەرێكی جددیە بۆ ماوسەكەی ئەپڵ. دوگمەكانی ئەو ماوسە زۆر جوان و سەرنجڕاكێشن، بەشی رەنگی رەساسی پێشەوەی ماوسەكە بۆ سكرۆل كردن لەنێوان لاپەڕەكاندا سوودی لێوەردەگیرێت. ماوسەكە تەواو لەمسییە و پێویست بە داگرتنی دوگمە ناكات، تەنیا بە لەمس ئەركەكان جێبەجێ دەكات.