كۆمپانیای Lenovo لەم دواییانەدا نوێترین بەرهەمی خۆی بەناوی ThinkCentre 91z All-in-One هێنایە بەرهەم كە لەو بەرهەمەیدا ئەوپەڕی توانای خۆی خستۆتەگەڕ، بۆ ئەوەی كە باریكترین و بەهێزترین كۆمپیوتەری جیهان تا ئەم رێكەوتە دروست بكات. بەشی سەرەكی ئەو كۆمپیوتەرە لە شاشەیەك پێكی دێ كە شاشەیەكی روون و شووشەییە. فیلمە ڤیدیۆییەكان لەو كۆمپیوتەرەدا بە كوالیتی HDنیشان دەدرێن. كۆمپیوتەرەكە كیبۆردێكی وایەرلەیسی دژە تەڕبوونی لەگەڵدایە. 6 پۆرتی USBهەیە. كۆمپیوتەرەكە بۆ ئیدارە و نووسینگە بازرگانییەكان و شوێنە پەروەردەییەكان زۆر گونجاوە.
