جگەرەکێشان زیانێکی زۆر بە تەندروستی سییەکان دەگەیەنێت و بەکێشانی هەر جگەرەیەک سییەکان بەشێک لە تواناکانی خۆیان لە دەستدەدەن.

لە دوای وازهێنان لە جگەرەکێشان پێویستە گرنگی بدەی بەو خواردنانەی کە دەبنەهۆی پاککردنەوەی سییەکانت لەو زیانانەی بەهۆی جگەرەوە تووشی هاتووە.

١- کەلەرم

سەوزە بە گشتی دەوڵەمەندن بەو مادانەی جەستە لە ژەهر و مادە زیانبەخشەکان پاک دەکەنەوە و رێگرییدەکەن لە نەخۆشی شێرپەنجە.

یەکێک لەو سەوزانەی کە زۆر کاریگەرە بۆ پاککردنەوەی سییەکان لە مادە زیانبەخشەکان بریتییە لە کەلەرم و برۆکلی و قەڕنابیت.

٢- ئەو خواردنانەی دەوڵەمەندن بە کارۆتینۆید

توێژینەوەکان سەلماندوویانە کارۆتینۆید کە مادەیەکی پڕتەقاڵیە دەبێتەهۆی رێگرییکردن لە شێرپەنجەی سییەکان، ئەم مادەیە بە زۆری لەو خواردنانەدا بوونی هەیە کە رەنگیان پڕتەقاڵی و سوورە، بۆ نموونە گوێزەر و تەماتە.

٣- ئۆمێگا ٣

توێژینەوەکان سەلماندوویانە کە چەوری ئۆمێگا سێ دەبێتەهۆی کەمکردنەوەی کاریگەرییەکانی نەخۆشی تەنگە نەفەسی. ئۆمێگا سێ بەزۆری لە رۆنی ماسی، ناوکە کەتان، فستەق، گوێز و ئەڤۆگادۆدا هەیە.


خەندان