مۆز دەوڵەمەندە بە ڤیتامین و شەکری سروشتی و پێکهاتەی ڕیشاڵی، هەروەک دەوترێت خواردنی مۆزیش ڕۆژانە وەک سێو دەتپارێزێت لە چوونت بۆ لای پزیشک.

مۆز تەنها بەرگری لەش دژی شێرپەنجە زیاد ناکات، بەڵکو مۆز ڕێگە لە سووتانەوەی گەدە دەگرێت، پەستانی خوێنی لەشت ڕێکخدەخات و یەکسانی دەکاتەوە و دەتپارێزێت لە سەکتەی دڵ و مێشک، بەهۆی پێکهاتەی پۆتاسیۆمەوە.

ئەو میوەیە سەرچاوەی وزەیە، خواردنی 1-2 مۆز پێش ڕاهێنانی وەرشی هێزێکی زۆرتان پێدەبەخشێت، دژایەتی ئەنیمیا و سووتانەوە و برینی گەدە و قەبزی دەکات و ئاستی پلەی گەرمی لەشت یەکسان دەکاتەوە، بەڵام مۆز بەگەدەی خاڵی زیانی هەیە.

لە ئەمریکا مۆز بە یەکەم میوە ئەژماردەکرێت و زیاتر لە هەر میوەیەکی دیکە بایەخی پێدەدرێت.

هەندێک کەس دەڵێن خواردنی مۆزێک کە توێکڵەکەی قاوەیی بێت باش نییە بۆ خواردن، بێگومان ئەم حاڵەتەش لەهەموو میوەیەکدا ڕوودەدات و ڕەنگیان دەگۆڕێت بۆ قاوەی و ڕەنگی تاریک، بەڵام بەگوێرەی ئێم بی سی ئەمە تەنها بۆچوونێکە و ڕاست نییە.

مۆز تا ڕەنگی بەرەو قاوەیی بڕوات و پێبگات ڕێژەی ماددەی دژە ئۆکسان دژی شێرپەنجەی تێدا زیاد دەکات، ئەو ماددەیەش پێیدەوترێت tumor necrosis factor کە بەرگری لە خانەکانی لەش دەکات دژی هەوکردن و نەخۆشیەکان.


خه ندان