یەكێ لەو كێشانەی لە مانگی رەمەزاندا ڕووبەڕووی ڕۆژووگر دەبێتەوە، بۆنی ناخۆشی دەمە، ئەویش بەهۆی نەخواردن و نەخواردنەوە بۆ ماوەیەكی درێژ.

بۆنی ناخۆشی دەم چەند هۆكارێكی هەیە، لەوانە پشتگوێخستن و گرنگی نەدان بەتەندروستی و پاكوخاوێنی دەم و ددان. كە ئەمەش لەوانەیە ببێتە هۆی گواستنەوەی نەخۆشی بۆ ناو هەناو. ئەم دۆخەش لە كاتی رۆژووگرتندا زیاتر دەكەوێ. بەهۆی ئەوەی هیچ میوە و خۆراك و خواردنەوەیەك بۆ ماوەیەكی درێژ ناچێتە نێو دەم و هەناوەوە.

هەروەها چەند جۆرە خواردنێكی دیاریكراویش هەن كە دەبنە هۆی پەیدابوونی بۆنی ناخۆش لەنێو دەمدا.

شارەزایان بەوە ئامۆژگاری رۆژووگر دەكەن لە كاتی پارشێودا میوە و سەوزەی تازە بخۆن.

هەروەها پێویستە رۆژووگر غەرغەرە بەئاو بكات و نێو دەمی پاك بكاتەوە بەسۆدا یان ئاوی لیمۆ.

هەروەها غەرغەرەكردن بەكوپێك ئاو و هاڕاوی قەرەنفل.

دووركەوتنەوە لە خواردنی پیاز و سیر لەكاتی پارشێودا.

دووركەوتنەوە لە خواردنی پەنیر لە كاتی پارشێودا، چونكە ئەویش دەبێتە هۆی پەیدابوونی بۆنی ناخۆش لەنێو دەم.


باسنیوز