سەرین Pillow تەنیا تورەگەیەكی لاكێشەیی نییە كە بە لۆكە یان ئیسفەنج یان ماددەیەكی تر پڕكرابێت و پەسترابێت، بەڵكو هاوڕێیەكی نزیكی سەرە بۆ ماوەی سێیەكی ژیانمان. سەرین گرنگی زۆری هەیە بۆ كوالیتی نووستن، بەرزی، رەقی و نەرمی سەرین بایەخی زۆریان هەیە بۆ بەخشینی رحەتی بە سەر و مل. نووستن لەسەر سەرینێك كە لەگەڵدا نەگونجێت هۆكارە بۆ گرفت لە مل، پشت و باسك و قۆڵەكان، هەروەها گەلێك جار دەبێتە هۆی هەستكردن بە ناڕحەتی و بێهێزی لەش لەپاش لەخەو هەڵساندا. سەرینێك كە لە تووك و پەڕی پەڵەوڕ Feather pillows دروستكرابێت نابێتە ئەگەری هەستەوەری و شێوەی مل و سەر وەردەگرێت، هەروەها بەرگریشی كەمترە لە ماددەكانی تر كە سەرینیان لێ دروستدەكرێت. سەرینی فوم Foam Pillow لە ماددەی پۆلییوریتان دروست كراوە، شێوەی سەر و مل وەردەگرێت، ئەم ماددەیە بۆنێكی تایبەتی هەیە كە بۆ كەسانی تووشبوو بە هەستەوەری گونجاو نییە. سەرینی مل Cervical pillows كە بۆ سووكردنی ئازاری مل دیزاین كراوە رۆڵی هەیە لە هێشتنەوەی شێوەی ئاسایی سەر و ملدا. سەرینی ئاوی water pillow كە سەپۆرتی مل دەكات هەندێك سوودی هەیە بۆ كەمكردنەوەی ئازاری مل.