لەڕۆژی ئاهەنگی بووك و زاوا، چەندین وێنەی جوان دەگیرێ، بە تایبەت ئەو چەند وێنەیەی كە بووك و زاوا پێكەوە لای وێنەگر دەیگرن تا بۆ یادگارییەك بمێنێتەوە، ئەوەش چەند وێنەیەكە و بەچەندین جۆرە جووڵە دەگیرێ، وەك دەست لەناو دەستی یەكتر، یان بەیەكەوە دەوەستن و سەیری یەكتر دەكەن، كە گوزارشت لە خۆشەویستی و یادگاری ئەو ڕۆژە دەكات، كەچی ئەو وێنەیە دەبێتە سەیرترین وێنەی یادگاری بووك و زاوا، كە لە وڵاتی توركیا وێنەكە گیراوە ئەویش لەڕۆژی ئاهەنگەكە، لە وێنەكەدا كاكی زاوا لەسەر پشتی بوكێ دانیشتووە و قژیشی گرتووە بە دەستەوە و خانمە بووكیش درێژ بووە، هیچ مانایەك لەو وێنەوە دەرناكەوێ و بۆیە دەبێتە سەیرترین وێنەی بووك و زاوا.
