كارەكانی ماكیاژی چاوەكان و رەشكردن، ماندووبوونی دەوێ و دەبێ لە نزیكەوە یەكە بە یەكە هەر هەنگاوەكان بەشێوەیەكی راستەوخۆ و تەواو ئامادە بكرێ، ئەمەش لە كاتێكدا دەبێ كە شێوازی ماكیاژ كردنەكە دیاریكراو بێ، لێرەدا باس لە رەشكردنی چاوەكان دەكەین كە لە (3) هەنگاوی تەواو لەخۆ دەگرێ، بۆ دانانی ماكیاژی رەشكردنی چاوەكان پێویستمان بەم كەرەستانە دەبێ: قەڵەمی رەشكردنی وشك و كلی تەڕ و لەزگەیەك. دەتوانین لەم چەند كەرەستەیە بە چەند هەنگاوێك كارێكی جوان لە رەشكردنی چاوەكانەوە ئەنجام بدەین، بەم شێوەیە:
سەرەتا هەڵسە بە دانانی لەزگەیەك لەلایەكی چاوەكانەوە، واتە لە بەشی دەرەوەی چاو، دواتر بە قەڵەمە رەشەكە كە دەبێ هەندێك تەڕ بێ، لەسەر لێواری برژانگەكانەوە دەست پێبكە و تاوەكو كۆتایی سەر برژانگ، بەڵام لە كۆتایی دەرەوەی چاو، دەبێ زیاتر تۆختر بێ و دیار بێ، پاشان بە قەڵەمی (ئای لاینەر) بۆشایی نێوان برژانگ و قەڵەمەكە پڕ دەكرێتەوە و تاوەكو بە جوانی رەشەكە بگرێ.