ساوار كوڵاندن وەك كار و دیاردەیەكی كۆنی باب و باپیران تا ئێستاش لە هەندێ شوێن و گەڕەكی شاری هەولێر بوونی ماوە، دوای كوڵاندنی گەنمەكە و پاشان بردنی بۆ ئاش بۆ دروستكردنی برووش و گەنمەكوتا و ساوارە، ئەمەش لە پێشدا بۆ نەبوونی كارگەی تایبەت دەگەڕایەوە، لەگەڵ ئەوەش تا ئێستا لەلایەن هەندێ كەس كە باوەڕیان بە بەرهەمی كارگەكان نییە و هەر بەشێوازە كۆنەكە كارەكانیان ئەنجام دەدەن، كارەكەش بەم شێوەیە دەبێ:
سەرەتا گەنم دەهێنرێ و لەسەر مەنجەڵێكی گەورە دادەنرێ كە پێی دەڵێن مەنجەڵی دانوو، لەسەر ئاگر گەنمەكە تا دەكوڵێت و دواتر لەسەر شتێك دادەنرێ تاوەكو سارد دەبێتەوە، پاشان دەهێنرێتە خوارەوە و دەبردرێ بۆ ئاش، ئینجا دەكرێتە ساوار و برووش و گەنمە كوتا و ئەوانە.