پێشنیوەڕۆی دوێنێ سێشەممە لە هێرشێکی هێزەکانی ئیتلاعات بۆ سەر ماڵی هاووڵاتیانی عەرەبی شاری دێزفوول لە پارێزگای خووزستان، 16 کەس بە تۆمەتی بڵاوکردنەوەی بابەتی فەرهەنگی و دادکۆکی لە مافی نەتەوەیی عەڕەبەکان لە ئێران، دەستبەسەرکران و بۆ شوێنێکی نادیار گوێزرانەوە.

بەپێی هەواڵی ناوەندی هەواڵدەریی هەرانا ناوی دەستبەسەرکراوەکان بریتیە لە: عاشوور خەسرەجی، کەریم ساعیدی، جەمیل و حەمید و کەمال و محەمەد سواری، عەلی و قاسم چنانی، سەعد و فازڵ عوبەیداوی، ئەحمەد حەیدەری، موختار سیلاوی، جاسم و قاسم غەرباوی، مووسا مووسەوی و سەعید حەیدەری.

نزیکەی 50 رۆژە لەمەوبەر لقی 16ی دادگای پێداچوونەوەی ئێران سزای زیندان و سێدارەی بۆ 11 هاووڵاتیی دیکەی عەرەبی ئەهوازی پشتڕاست کردەوە کە ناوەکانیان بریتین لە:

1- عەلى خنافره 2 - ئیسماعيل ڕەحيميان (دحيمى) 3- رەسوول دحيماوى (دحيمى) 4- ئیبراهيم دحيماوى (دحيمى) 5- عەلى بەيت سەياح 6- مەهدی خانى پوور (حلفى) 7- جابر سەخراوى 8- عارف سورخى 9- عەبدولكازم حەيدەری 10-شوكروڵڵا 11- محەمەد خانى پوور (حلفى).

بەپێی هەواڵ و زانیارییەکان، ماوەیەکە گوشاری ناوەندە ئەمنییەکانی ئێران بۆ سەر چالاکان و شارۆمەندانی عەرەبی ئەهواز پەرەی سەندووە و ئەژمارێکی زۆر لە هاووڵاتیانی عەرەبی ئەهواز، دەستبەسەر کراون و سزا دراون.












باسنیوز