هێزه‌ ئه‌منییه‌كانی سعودیه‌ له‌ چالاكییه‌كدا له‌ مه‌ككه‌ی پیرۆز رووبه‌ڕووی چه‌ند چه‌كدارێكی داعش بوونه‌وه‌و به‌و هۆیه‌وه‌ چه‌ند چه‌كداری ئه‌و رێكخراوه‌ تیرۆریستییه‌ كوژراون.

روداوه‌كه‌ به‌گوێره‌ی هه‌واڵێكی سكای نیوز، ئه‌مڕۆ پێنجشه‌ممه‌ له‌شاری مه‌ككه‌ رویداوه‌ كاتێك هێزه‌ ئه‌منییه‌كانی سعودیه‌ سه‌ركه‌وتووبوون له‌ رووبه‌ڕووبوونه‌وه‌كه‌داو توانیویانه‌ چه‌ند چه‌كداری ئه‌و رێكخراوه‌ تیرۆریستییه‌ بكوژن. هه‌روه‌ها رێ له‌و كارانه‌یان بگرن كه‌ به‌نیازبوون ئه‌نجامی بده‌ن، به‌ڵام تائێستا ژماره‌ی كوژراوه‌كانی داعش دیارنییه‌.

به‌و هۆیه‌وه‌ سعودیه‌ هێزه‌ ئه‌منییه‌كانی له‌ناو مه‌ككه‌ بڵاوه‌پێكردووه‌ بۆ ئه‌وه‌ی رێ له‌هێرش‌و په‌لاماره‌كانی داعش بگرێت له‌و شاره‌دا.