چالاكییە سەربازییەكانی رووسیا ناتۆ و ئەمریكا نیگەران دەكات
جۆش ئێرنست گوتەبێژی كۆشكی سپی رایگەیاند: " كۆشكی سپی ئاگەدارە لە رووداوی دەریای بەلتیك، راپۆرتمان بۆ ھاتووە دوو فڕۆكەی رووسی زۆر بەترسناكی لە كەشتییەكی ئەمریكی و فڕۆكەیەكی پۆڵەندی نزیك كەوتوونەتەوە ، ئەمە پێچەوانەی یاساكانی دەریاوانی نێودەوڵەتییە، فڕۆكەكان ڕێوشوێنی سەلامەتییان نەگرتووەتەبەر و زۆر نزیك بوونە لە كەشتییەكە،ھەڵسوكەوتێكی بێزاركەرە و ھەستیاریا دروست كردووە".
یێنز شتۆڵتنبێرگ سكرتێری گشتی ناتۆ دەڵێت: " ئەو ھەڵسوكەوتەی رووسیا ناسەلامەت و كارامە نییە، بۆیە ماوەیەكی درێژە داوای مامەڵەی شیاو لە رووسیا دەكەم، ماوەیەكە چالاكییەكانی رووسیا لە سنوری ئێمە زیادی كردووە، دەبێت ئێمە خۆمان لە شەڕ و ڕووداوی نەخوازراو بەدوور بگرین، ئەگەر روشبدەن پێویستە لە كۆنتڕۆڵ دەرنەچن".
وڵاتانی بەلتیك كە پێكھاتوون لە ئیستۆنیا و لاتڤیا و لیتوانیا، لە 2004 دا پەیوەندییان بە ناتۆ كرد و چوونە ناو یەكێتی ئەوروپا، بەردەوام داوا لە ناتۆ دەكەن وڵاتانی سەر دەریاكە لە ئۆپەراسیۆنەكانی رووسیا بپارێزێت، بۆیە ناتۆ نزیكەی 800 ھەزار سەربازی بۆ بەرگریكردن لە رۆژھەڵاتی ئەوروپا جێگیر كردووە.
K24