دوای ئه‌وه‌ی له‌ 24ی تشرینی دووه‌م توركیا فرۆكه‌یه‌كی رووسی خسته‌خواره‌وه‌، بۆ دووه‌م جار ئه‌مڕۆ سه‌رۆكی رووسیا واژووی له‌سه‌ر چه‌ند بڕیارێك له‌دژی توركیا كرد.


ئاژانسی تاس رایگه‌یاند، به‌پێی ئه‌و رێكارانه‌، رووسیا هه‌ندێك به‌رهه‌می توركی قه‌ده‌غه‌ كردوه‌ و سیسته‌می سه‌ردانیكردنی به‌بێ ڤیزا هه‌ڵپه‌ساردوه‌، هه‌روه‌ها گه‌شتی شارته‌ری بۆ توركیا هه‌ڵوه‌شانده‌وه‌.

ئه‌و رێكاره‌ نوێیانه‌ چالاكی كۆمپانیا توركییه‌كان كه‌م ده‌كاته‌وه‌، به‌پێی ئه‌و لیستانه‌ی حكومه‌تی رووسیا دیاری ده‌كات.

لای خۆیه‌وه‌ دیمیترى میدفیدیف سەرۆک وەزیرانى ڕووسیا لە کۆبوونەوەى ئەنجومەنى وەزیراندا جەختى لە سەر پێوستى فراوانكردنی سزا ئابورىیه‌كانی بە سەر تورکیادا کردووه‌، وتیشی، حکومەتى ڕووسیا واز لە سیاسەتى سەپاندنى سزای زیاترى ئابورى ناهێنێت .