حه‌سه‌ن روحانی سه‌رۆك كۆماری ئێران رایگه‌یاند كه‌ هێشتاش هه‌نگاوی دیكه‌ ماون كه‌ پێویسته‌ له‌ دانوستانه‌كانی ئێستا له‌ ڤییه‌ننا بۆ چاره‌سه‌ركردنی ناكۆكیی له‌مه‌ڕ دۆسییه‌ى ئه‌تۆمی ئێران بهاوێژرێن .

ڕوحانى روونیشی كرده‌وه‌ كه‌ پێده‌چێت گه‌یشتبنه‌ لوتكه‌ به‌ڵام هێشته‌ هه‌نگاوی دیكه‌ هه‌ن كه‌ پێویسته‌ بهاوێژرێن و ته‌نانه‌ت ئه‌گه‌ر سه‌ریش نه‌كه‌وین ئه‌وه‌ ئه‌ركی خۆمانمان جێبه‌جێ كردووه‌ .

لاى خۆشیه‌وه‌ سیناتۆر میچ مه‌كۆنیل سه‌رۆكی زۆرینه‌ى كۆمارییه‌كان له‌ كۆنگریسی ئه‌مه‌ریكا گومانی ئه‌وه‌ى ده‌ربڕی كه‌ باراك ئۆباما بتوانێت ره‌زامه‌ندی كۆنگریس له‌مه‌ڕ هه‌ر رێككه‌وتننامه‌یه‌ك به‌ده‌ست بهێنێت كه‌ له‌گه‌لأ ئێران دانوستانی له‌سه‌ر ده‌كرێت وه‌ك هه‌ندێك دیموكراته‌كان خودداری خۆیان ده‌ربڕیوه‌ .