سبەی، تورکیا بڕیار دەدات

بۆ یەکەمجارە لە پرۆسەی هەڵبژاردنی ئەو وڵاتەدا وێنەی کاندیدەکان بەسەر کارتی دەنگدانەوە بێت.
پرۆسەی دەنگدان سبەی سەعات 8 بە کاتی تورکیا دەست پێ دەکات و تا سەعات 6-ی ئێوارەیش دەرگای بنکەکانی دەنگدان بەڕووی دەنگدەراندا کراوە دەبێت.
سبەی کە ڕۆژی دەنگدانە بە سێ کاندیدە ڕکابەرەکەی پۆستی سەرۆککۆمار، کڕین و فرۆشتنی مەی لە 6-ی بەیانییەوە و بۆ ماوەی 24 سەعات قەدەقە دەکرێت.. هەروەها هەڵگرتنی چەک بێجگە لە ئەو هێزە ئەمنییەی کە ئاساییشی ڕۆژی دەنگدانی پێ سپێردراو، هیچ لایەن و دەستگایەکی دی بۆی نییە چەکی پێ بێ.
هەر بە هۆی پرۆسەی دەنگدانەوە، کۆی ئەو شوێنانەی بۆ کاتبەسەربردنن، بە قاوەخانە و کافینێتەکانیشەوە دادەخرێن.
بەرەنجامی پرۆسەی دەنگدانیش 11-ی ئۆگەست ڕادەگەینرێت و لە ئەگەری بڕیاردان لە سازدانەوەی گەڕی دووەمی هەڵبژاردن، ئەو وادەیە بۆ پڕوپاگندە تا 15-ی مانگی داهاتوو ڕێی پێ دەدرێتەوە.