سه‌رچاوه‌كانى هه‌واڵ بڵاویان كرده‌وه‌ كه‌ ژماره‌ى كوژراوانى دوێنێى سوریا گه‌یشته‌ 314 كه‌س كه‌ زیاتر له‌ 100 كه‌سیان له‌ئه‌نجامى تۆپبارانى سوپاى رژێم له‌ ریف دیمه‌شق كوژران . له‌وباره‌یه‌وه‌ لیژنه‌كانى هه‌ماهه‌نگى ناوخۆیى سوریا رایانگه‌یاند زیاتر له‌ 100 كه‌س له‌كاتى ناشتنى یه‌كێك له‌ قوربانیه‌كانى ناوچه‌ى سه‌یده‌ زه‌ینه‌ب له‌ ریف دیمه‌شق كوژران .

هه‌ر له‌و چوارچێوه‌یه‌دا روانگه‌ى سوریا بۆ مافه‌كانى مرۆڤ رایگه‌یاند ژماره‌ى كوژراوانى شار و شارۆچكه‌كانى دیكه‌ى سوریا كه‌ به‌ هۆى كرداره‌ توندوتیژیه‌كانى هێزه‌كانى رژێم كوژراون گه‌یشته‌ 214 كه‌س كه‌ له‌ نێوانیاندا 124 هاوڵاتى و 62 سه‌ربازى رژێم و 28 سه‌ربازى سوپاى سوریاى ئازاد بوون.