ماڵی وەفایی سێ کتێبی نوێ بڵاودەکاتەوە و لە مەرسیمێکدا بە ئامادەبوونی نووسەر و وەرگێڕی هەرسێ کتێبەکە بڵاودەکاتەوە.

دوو لەم بەرهەمانە کاتژمێر سێی ئێوارەی سبەی چوارشه‌ممه‌ لە ماڵی وەفایی بەڕێوەدەچێت.

یەکێک لەو دوو کتێبە بەناوی "دڵی ئيسلام به‌ها هه‌ميشه‌ييه‌كان له‌پێناو مرۆڤايه‌تيدا" لە نووسینی بيرمه‌ندى ئه‌مريكى- ئێرانى سه‌يد حوسێن نه‌سرە و لە وه‌رگێڕانى هيمداد شاهينە.

کتێبی دووەم بەناوی گوڵبژێرێك له ‌كاره‌كانى "تيتووس بوركهات"ـە کە تێرامانە له ‌هونه‌ری پیرۆز و ئيمان و شارستانييه‌ته‌كان و لە نووسینی ويليام ستۆدارتە و لە وه‌رگێرانى د. لوقمان به‌كرە.

کتێبی سێیەم بەناوی "نالی"یە و لێكۆڵێنه‌وه‌يه‌كى وردە له‌سه‌ر شيعری نالی و لە نووسينى رێبوار سيوه‌يلییە.

ئەم کتێبە کاتژمێر سێی ئێوارە رۆژی پێنجشه‌ممه‌، له‌مه‌راسيمێكدا به‌ئاماده‌بوونى نووسه‌ر بڵاوده‌بێته‌وه‌.