پێشانگایەکی کتێب لە سعوودیا پێشوازی لە یەک ملیۆن میوان دەکات
راگەیاندنەکانی سعوودیا بڵاویانکردۆتەوە، بڕیارە پێشانگاکە لە 12 مانگی کانوونی یەکەم/ دیسێمبەر بەڕێوەبچێت و بۆ ماوەی 10 رۆژ بەردەوام دەبێت.
لە پێشانگاکەدا 440 دەزگای چاپ و بڵاوکردنەوە لە 25 وڵاتی عەرەبی و جیهانی بەشدارن، لەوانە 117 دەزگای چاپ و بڵاوکردنەوەی سعوودیا.
بڕی 20 ملیۆن ریال بۆ پێشانگاکە تەرخانکراوە و لەسەر رووبەری 50 هەزار مەتر دووجا پێشانگاکە بەڕێوەدەچێت.