بۆ یەکەمجار لە گەرمیان خولێکی ھاوینەی تایبەت بە ھونەر و وەرزش بۆ قوتابیان دەکرێتەوە
لەو بارەیەوە بەرێوەبەری گشتی پەروەردەی گەرمیان، دارا ئەحمەد سەمین بە ئاژانسی ھەواڵی پەیامنێری راگەیاند؛ لە گەڵ بەرێوەبەرایەتی گشتی رۆشنبیری و وەرزش و لاوانی گەرمیان و بەھاوکاری ئیدارەی گەرمیان، خولێکی ھونەری و رۆشنبیری و وەرزشییان لە ھەشت خوێندنگەی سنوری کەلار راگەیاندووە کە بریتن لە قوتابخانەکانی\"زۆزک، کەلار، بنگرد، پێشەنگ، لەیلا قاسم، ژین، راپەرین، قەڵا\""’ ھەروەھا خولەکە بەشێک لە قوتابخانەی گوندەکانی سنوری ئیدارەی گەرمیانیش دەگرێتەوە.
دارا ئەحمەد راشیگەیاند، مەبەست لە خولەکە بۆ ئەوەیە قوتابیان لە ژێر سەرپەرشتی خۆیاندا بن و بتوانن لە رێگەی خولەکانی بواری مۆسیقا و ھونەر و رۆشنبیری و وەرزشکردنەوە سودی باشتریان پێ بگەیەنن و ھەروەھا وشیار بکرێنەوە.
بۆ یەکەمجارە لە سنووری ئیدارەی گەرمیان لە وەرزی پشوی ھاویندا خولی لەمشێوەیە بۆ قوتابیان دەکرێتەوە."
