خولێك بۆ پێگه‌یاندنى كارمه‌ندى ته‌ندروستى ده‌روونى له‌گه‌رمیان كرایه‌وه
محه‌مه‌د ئیسماعیل به‌رپرسی هۆبه‌كه راگه‌یاند: به‌مه‌به‌ستى پێگه‌یاندنى ژماره‌یه‌ك كارمه‌ندى ته‌ندروستى ده‌روونى ئه‌و خوله به به‌شداری 15 كارمه‌ند كرایه‌وه كه ژماره‌یه‌كیان له به‌رِێوه‌به‌رایه‌تى و سه‌نته‌ره‌كانى پاراستنى ژنان كار ده‌كه‌ن، به‌شى زۆریشیان كارمه‌ندى ته‌ندروستین و له‌رێگه‌ى ئه‌م خوله‌وه ئاشنا ده‌كرێن به بنه‌ماكانى كارى ته‌ندروستى ده‌روونى، بۆ ئه‌وه‌ى دواتر وه‌ك چاره‌سازی ته‌ندروستى ده‌روونى له نه‌خۆشخانه‌و مه‌ڵبه‌نده‌كان دا كار بكه‌ن.
ئه‌وه‌شى خسته‌روو: له نه‌خۆشخانه و مه‌ڵبه‌نده‌كان دا هۆبه‌ى تایبه‌ت ده‌كه‌نه‌وه به‌مه‌به‌ستى بینینى ئه‌و كه‌سانه‌ى كێشه‌و نه‌خۆشی ده‌روونیان هه‌یه بۆ ئه‌وه‌ى رێنمایی و چاره‌سه‌رى پێویستیان پێبدرێت، خوله‌كه ماوه‌ى سێ رۆژ به‌رده‌وام ده‌بێت.
