لەمساڵەوە زانكۆكانی كوردستان دەست دەكەن بە كردنەوەی بەشی گەشت و گوزار بۆ قوتابیانی ئارەزوومەند لەو بووارانەدا، و دوای تەواو كردنی كۆرسەكانیش بڕوانامەی بەكالۆریۆسی گەشت و گوزارییان پێدەدرێت.



سەرۆكی دەستەی گەشت و گوزاری كوردستان مەولەوی جەبار گوتی: هەماهەنگیمان كردووە لەگەل وەزارەتی خوێندی باڵا و توێژینەوەی زانستی بۆ ئەوەی ئەم ساڵ بەكەلۆریۆسی گەشتوگوزار لە زانكۆكانی سەلاحەدین و سلێمانی بكرێتەوە. و قوتابیانی ئارەزوو مەند تیایدا بخوێنن.

هەروەك گوتیشی: كرانەوەی بەشی گەشتوگوزار دەرفەتێك دەبێت بۆ ئەوەی هاوولاتیانی ئێمە لەم بوارەدا كار بكەن و پلەی زانستی تێدا بەدەست بهێنن.