(katî hodgson) le geşitêkîda ke be şarî kêrinîyi wîlayetî meysurîyi emirîkada degerrêt, hest be hendê dije hestiyarîyi dekat, ew ḧezdekat xellkî dîke le derewe bibînêt, çunike terizekanî jiyanî pêş le billawbûneweyi vayrosî koronayi bîrdênêtewe, hodgson mamostayew temenî ٤١ sallew dwayi eweyi hawjînekeyi tellaqî dawe be teniya dejî, ew dellêt: bînînî ew xêzananeyi bextewerin û le derewe degerrên û yarî deken hanî dedat ke le gêjawî teniyayîda robiçêt, eme govarî taym wek raport billawî krdotewe.
hodgson deşllêt : (herwek dezanît ke be qed eweyi le sallî rabrdûda serbexo bûm, ewendeş hest dekem ke pêwîstîm be kesêke şewan legellm dabinîşêt). herweha dûpatî dekatewe ke ciyawazîyeke lewedaye ke pêş billawbûneweyi ew vayrose kuşndeye hestî krduwe le bextewerîyekî le radebederda jiyan beser debat, çon wîstuyetî gerrawew katî xoşî beserbrduwe û çawî be hawrrêkanî kewtuwe, bellam êsta, dwayi eweyi le şuqeyekda dergayi daxistuwew be teniya dejî, hest be boşayî û teniyayiyekî qûll û naxoş dekat.
hodgson dellêt: (hendê roj pêdekenm û hest dekem selametm, rojanî dîkeş benaw mallda desûrrêmewe û le xom deprsin to billêyi eme zor bixayenêt, aya detwanm le ruwî 'eqll û hoşewe bergeyi em doxe bigirm/ aya detwanm bo çend mangêk be teniya bijîm, renge sallêk?),
tenanet pêş petayi korona şarezayanî tendrustî gşitî nîgeran bûn sebaret beweyi nawe nabû(petayi teniyayî) le wîlayete yekgrtuwekan. vayroseke em kêşeyeyi ziyatir allozkrduwe, legell eweyi ke zorbeyi rêgakanî peywendîyi komellayetîyi ew takaneyi le kerrentîneyi mallewedan sinûrdarin ta katêkî diyarîkraw, emeş bo rêjeyi ٣٥.٧ miliyon emirîkîş ke be teniya dejîn her waye, emeş manayi waye ke hîç peyweyindîyekî komellayetî lenêwan kesekanda be tewawî bo çend mangêkî dahatû learadaye.
şarezayan nîgeranin sebaret be derhawîşitekanî tendrustîyi 'eqllîyi em goşegîrîye berbillawe, betaybetîş ke hîç xallêk nîye ke leserî rêkkewn taybet beweyi ke ew teniyayiye tunde bibête kêşeyekî drêjxayen ke encamî xirapî lê bikewêtewe. herweha komellêk pzîşkî nexoşxaneyi mindallanî bostin û kolîcî pzîşkîyi zanikoyi harvard hoşiyarî deden leweyi ke ew lêk dûrîye cesteyiyew fşarî derûnîyeyi ew petaye lepall berizbûneweyi froşî çek, bibête hoyi hellkşanî diyardeyi xokuşitin le wllatda. le layekî dîkewe hendê le dakokîkaranî tendrustîyi derûnî geşbînin ke (kovîd ١٩)renge le ayîndeda peywendîyi komellayetî ziyatir bigeşênêtewe.
pêdeçêt tozêk qurs bêt ke lewe dllinya bîn hestkrdin be teniyayî astegêk yan hokarêkî serekî bêt bo keşeyekî gewretirî tendrustî: aya kesêk leber eweyi xemoke le jiyanî komellayetî dûrbikewêtewe, yan leber eweyi teniyaye tûşî xemokî bibêt ? beher ḧall, twêjînewekan deryanxistuwe ke teniyayî drêjxayen peywendîgelêkî berçawî heye be komellêk kêşeyi tendrustîyewe, lewane xellefawî û xemokî û dllerrawkî û azardanî xud û nexoşîyekanî dll û bekarhênanî hoşberekan.
twêjînewekan amaje bo ewe deken ke ew kesaneyi pallpşitîyi komellayetîyan nîye, derfetî kemtirî çakbûneweyi tewawyan heye dwayi tûşbûn be nexoşîyekî metirsîdar be berawrd bew kesaneyi peywendîyi behêzî komellayetîyan heye, zorcarîş ew teniyayiye lêkewtî tendrustî debêt wek eweyi keseke rojane ١٥ cgere bikêşêt.
leweteyi danîşitwan naçarkrawn le mall bmêninewe, sêyekî emirîkîyekan ke betemen gewren dellên le katî asayî ziyatir hest be teniyayî deken, bepêyi ew rûmalleyi kompaniyayi komellayetîyi (soşiyal bru) le mangî nîsanda encamî dawe, raprsîyekî dîkeş ke her lew mangeda krawe derkewtuwe ke jmareke beriztirew degate rêjeyi ٤٧%. boye eger wêneyi asayî ew keseyi ke be teniya dejî û temenî gewreye yan pîre bixeyine rû, boman derdekewêt ke ew peta kuşndeye ciyawazî nakat lenêwan hîç temenêk ke hest be teniyayî bikat.
raprsîyekey(soşiyal bro) ke leser ١٢٢٨ kes krawew temeniyan lenêwan ١٨ û ٧٥ sallîdan û zorbeyan lew wllatane dejîn ke be înglîzî qsedeken, derî xistuwe ke ٢٠% be layi kemewe lew temenane le katî asayî dîke ziyatir, behotayi petayi korona, hest be teniyayiyekî zor tund deken, neweyi hezare lew twêje temenîyeda egerî ziyatir heye pêş korona hestiyan be teniyayî krdbêt, emeş rûnî dekatewe ke ٣٤%î ew neweye ke le raprsîyekeda derkewtuwe (hemîşew zor car) be hoyi petake ziyatir be teniya bûne. herweha ٢٥% yi afretan û ٣٠%î piyawan hestiyan bew teniyayiye krduwew ke le encamî vayrosî korona dûçarî bûne, em teniyayiyeş peywendî bewewe nîye ke ew kese be teniya dejî yan legell xêzanekey.
kaytirîn glado, ke teminî ٤١ salle dû mangî rabrduwî le mallekeyda beser brduwe le niyu orlînz legell hazjîn û her sê mindalle biçûkekey, bellam dellêt ke le pêşitir ziyatir hestî be teniyayî nekrduwe, herweha amaje bewe dekat ke hîç twanî nîye çawdêrîyi xoyi bikat, bellku ziyatir xerîkî karubarî mallewew wanegutinewe buwe be mindallekanî, ew deşllêt ziyatir mamelleyi legell mandûbûn û dllerrawkêda krduwe be hoyi ew vayrosewe.

serçawe/ rojnameyi şerqulewset
w: behadîn celal