aya rêkxirawî(da'ş) carêkî dîke henaseyi beberda hatotewe, yan teniya zêderroyiye? rastîyekî bêzarkere, bellam wa diyare rûdawekan be arasteyi cêgîrkrdin û hêwrîyekî gumanawîda derron, herweha be pallpşitîyi tewerî şerrxwazî ke nawçeke zor bedestîyewe nallandûyetî, bê guman pêwîste jîngeyekî hander hebêt taku amirazu çalakîyekanî ektîv û karatir bikat, boye le gorrepanî 'êraq ziyatir nîye ke xwênî lê deçorrêt û bedest çendîn derdewe denallênêt ke hander bêt bo eweyi êran destêwerdanî têda bikat, şitêkî ktuprru seyr nebû katê berprsêkî 'êraq le wezaretî bergrî dellêt: feyleqî qudisî êranî û mîlîşiyayi ḧzbullayi lubinanî û mîlîşiyaklinî ḧeşdî şe'bîyi 'êraq hawkarî û hemahengîyi yekdîyan krduwe bo gwastineweyi sedan çekdarî rêkxirawî da'ş le sûriyawe bo 'êraq, herweha çek û teqemenîyan pê dawn.
êran le sayeyi ew meyinetîyeyi pêweyi denallênêt çaktirîn çareserî nedozîyewe, taku lew goşegîrîye derî bikat û fşarekanî serî sûk bikat û cîhan û dewlletanî drawsêyi pê xerîk bikat, ewe nebiyêt ke carêkî dîke qewareyi rêkxirawî da'ş bijiyênêtewe bo eweyi dujminikarî û destdrêjîyekanî dest pê bikatewe.
rojnamey( şerqu lewset) billawî krdotewe ke lenaw şarî musll û be taybetîş lenaw nawendî parêzgayi neyinewa, hendê bazirgan skallayan krduwew ke çend endamêkî da'ş serlenwê dawayi seraneyan lê krdûn, boye ewanîş dawakeyan cêbecê krduwe le tirsî tollesendinewe, hendêkiyan rojaneyi da'ş lew seraneye be 100 hezar dolar dexemillênin.
ew gurize kuşndeyeyi le êran dra be kuşitinî qasm sulêmanî wayi krduwe ke ew boşayiye prrbikatewe, dwacar fermanî be ḧesen nesirulla dawe çekdaran le sûriyawe bo ser sinûrî 'êraq bigwazêtewe taku amadeyî û desellatî lewê cêgîrbikat, ta le kotayîşda destirroyşituwîyi xoyi beser dîmeşq û beyrut û beẍdada bsepênêt.
seyr nîye eger kadîranî rêkxirawî da'ş çalak bin, welayi aydiyolociya qûlltiru karîgertire le her welayekî dîke, boye rêkxistineweyi hêzî serbazî katî zorî nawêt. rûn û aşkraye ke pêkhênaneweyi bzûtinewe radîkalîyekan û zawzê krdinî şanekan le jîngeykî xawu gorrepanî nacêgîrda rûdedat, ca eger komekêkî darayî le dewlletêkî tîrorîstî wek êran hebêt ke hemîşe dête ser hêll û doxeke deqozêtewe, ewa hawkêşeke lebartiru tewatir debêt.
nakrêt zncîreyi toqandinî da'ş lebîr bikrêt ke çendîn kîşwerî birriywe, be çendîn şêwew şêwazî tazeyi kuşitin û toqandin encamî dawn, dwacar leser sînîyekî alltûn pêşkeşî rastirreweyi tundrroyi krduwe ke bo meramî siyasî em rûdawaneyi qostotewe. mebestî ew lemeda wêranikarî û kawlkarî û leqkrdinî asayş û billawkrdineweyi toqandin û paşagerdanîye le naw ew wllataneda, herweha hênanekayeyi pêkdadan û şerru allozî lenêw komellgakan be her şêweyek bêt, eme le layek, lelayekî dîkewe perçekrdarî hereshênanî xoyetî leser erizî waqî' û rûxanî projeyi dewlletekeyetî, dwatir bo eweyi bîselmênêt ke hêşita le gorrepanekeda mawe.
da'ş wek qeware rûxawe, bellam bzir nebû, hokarî emeş bo ew fîkru bîrubawerreye ke dwayi rûxaneke her mawe, çareserî katî legell çareserî rîşeyî cudaye, herweha serederkrdin legell tîrorda, kewate meseleke be pleyi yekem peyweste be milmilanêyekî fîkrî,wata wek ewe waye nexoş bikewêt û lawaz bêt, bellam nemirêt, çunike da'ş bo maweyek bzirdebêt, bellam wek êsta serhelldedatewe, renge be nawî dîke, madamekî ême rîşekêşman nekrduwe û abirruwî boçûnekanîman nebrduwe, teniya be dijefîkr rûberruwî fîkr debînewe, dwatir lenawbrdinî hemû şitekan wa dekat geşebiken û ziyatir serhellbidenewe.
eweyi da'ş deykat le qena'et û bîrubawerrêkewe serî helldawe xoşiyan qewarew rehendekanî dezanin, çunike le dîdêkî sertagîrewe be pêyi edebîyatî xoyan le rq û dax û şeketîyewe destiyan pê krduwe, ta dekate astî drrindeyî.
s'udiye her zû hestî be metirsîyi doxeke krdu pêkhênanî hawpeymanîyekî rageyand ke ptir le 40 dewlletî îslamî le xo grt bo berengarbûneweyi tîror, boye nawendî operasiyone hawbeşekan le riyaz damezira, teniya le goşenîgayi eminîyewe natwanrêt beser tîrorda serbikewîn.
pêwîste le rwangeyi dîdêkî sertagîrîyewe mamelle legell tîror bikrêt ke le fîkru çend layenî dîkewe serçaweyi grtibêt, le layenî eminî û mîdiyayî û siyasî û darayî û serbazî, le çwarçêweyi mîkanîzimî diyarîkraw xşiteyi katî û bedwadaçûnî wrdu hellsengandî berdewamî encamekan.
mîr mḧemed bin selman darrêjerî ew prrojeye bû, ew dellêt em hawpeymanîye tazeye le rêgeyi serbazî û fîkrî û mîdiyayiyewe rûberruwî tîror debêtewe, emeş bew watayeyi ême leberdem stiratîcîyetêkî setaserî û gorranikarîyi corîyi pêşitir nekrawdayin le mamellekrdin legell em dosîyeye alloze. emirro hestiyarîyi helumercekew wrdîyi qonaẍeke û qebareyi metirsîyekan pêwîst dekat cîhanîş beşdarîyi em hawpeymanîye bikat, çunike berengarbûneweyi tîror berprsiyarîyetêkî hawbeşî nêwan dewlletekane.
hawpeymanîyi nêwdewlletî dijî da'ş be rêgeyi serbazî û fîkrî û cemawerîyewe zor pêwîste, wata debêt dewlletan xemî lê bixon, le ruwî eminî û hewallgrîyewe hemaheng bin.
be drêjayî mêjû hîç grrûpêk yan bzûtineweyek hawpeymanî dijî nekrawe wek eweyi dijî da'ş krawe, legell eweşda hawpeymanîyi nêw dewlletî ta êsta pertewazeye, bew watayeyi pêwîste tazebikrêtewew çalak û kara bêt lewaneş dabeşkrdinî berprsiyarîyetekan, em hengawe zor pêwîste bo xêwxoşîyi mirovayetî, rege sallanêkî zor bixayenêt taku berî ew hengawe deçnînewe/ emeş erkêkî sexte, bellam eger îrade hebû hîç estem nîye.


nûsînî: zihîr ḧarsî
wergêrranî le 'erebîyewe: behadîn celal
*serçawe/ rojnameyi şerqulewset