eweyi ta êsta le hellwêstî siyasîyi herêmî kurdistan beramber bem werçerxane siyasîyi û destûrîyane le prroseyi siyasî 'êraqda rû dedat, eweye ke herêmî kurdistan be şêweyekî zor hestiyarane çawdêrîyi barudoxeke dekat û siyasetêkî nermîşî beramber xopîşanderan û ḧkumetî êstayi 'êraq piyadekrduwe û hem pşitgîrî le dawa rewakanî xopîşandan krduwe, hemîş pşitgîrîyi eweyi krduwe ke 'êraq le paşagerdanî dûr bikewêtewe.
em hellwêst û siyasete eweyi lê dexwêndrêtewe, ke herêmî kurdistan ew mafe bexellkî şî'eyi 'êraq dedat ke be şêweyekî hêminane xopîşandan biken û tenanet dawayi ew sîstmeş biken ke xoyan amanciyane, bellam bemercê, em hengawane bo başitkrdinî jiyan û guzeran û ḧkumirranîyi xoyan bêt û karîgerî leser mafe destûrîyekanî herêmî kurdistan bêt.
diyare serkrdayetîyi siyasîyi kurdistan be gşitî û serokayetîyi herêmî kurdistan betaybetî, baş dezanêt ew peyameyi arasteyi ḧkumet û perleman û xopîşanderanî dekat, beweyi ewan mafî xoyane herçî deken, bellam kar nekate ser mafekanî gelî kurdistan, ewa eme pêşwexte pêwîstî be bûnî yekrrîzî û yekhellwêstîyekî behêzî nêwmallî kurdistan heye, bo eweyi em yekrrîz û haw hellwêstîye bibêt be pşitiywan bo prroseyekî siyasîyi behêz le kurdistan û ew amadebaşîyeş drust bibêt ke pêwîste bo rûberrûbûneweyi her gorranikarîyek le îradeyi gelî kurdistanda hebêt.
layene siyasîyekanî kurdistan bewaneyi beşdarin le ḧkumet û ewaneşî ke opozsiyonin, pêdeçêt geyşitibine ew qena'eteyi ke kêşeyi nêwan herêmî kurdistan û her ḧkumetêk le 'êraqda, kêşeyi dîmukratî û her şêwazêkî dîkeyi ḧkumirranî nîye ke le 'êraqda çon piyade dekrêt, bellku kêşeyi herêmî kurdistan legell her ḧkumetêkî beẍda eweye, çon ew ḧkumete hengaw helldegrêt bo eweyi le kêşekanî kurdistan têbigat û hawkar û hemaheng bêt bo eweyi kêşekan çareser bikrêt, boye lem ḧalleteda ke sîstmî siyasî le 'êraqda bangêşeyi gorranikarî bo dekrêt û merce'îyetî necefîş be tewawetî hatote naw prrose siyasîyeke û pşitgîrîyi em gorranikarîye dekat, ewa debêt herêmî kurdistanîş le rêgeyi serokayetîyi herêmî kurdistanewe, gutarêkî yekgrtuwî siyasîyi hebêt, bo eweyi legell em araste tazeye wtuwêj bikat.
egerî şksthênanî prrojeyi bûnî 'êraq be dewlletêkî fîdrrallî û perlemanî û dîmukratîye, hergîz leser astî serkrdayetîyi siyasîyi kurdistan be gşitî û serkrdayetî partî dîmukratî kurdistan, egerêkî dûr nebuwe, bellku hemûkat ew egere hebuwe, eger 'êraq şkstî hêna lem şêwazî dewllet, pêwîste herêmî kurdistan çon mamelle legell ew waqî'e tazeye bikat.
xallî behêz bo geşbînî sebaret be ayindeyi peywendîyekanî nêwan herêm û beẍda, ewca her şêwazêkî ḧkumet le desellatda bêt eweye, ke ew ezimûne siyasîyeyi êsta le herêmî kurdistan heye, wêrrayi eweyi xoman serincman leser kemukûrrîyekanîşî heye, bellam leser astî nawçeke û cîhanîş le her sîstmêkî dîke nawçeke ziyatir pêşwazîyi lê dekrêt, astî peywendîye herêmî û niyudewlletîyekanî herêmî kurdistanîş lew asteye ke cêgrî serokî emirîka serdanî hewlêr dekat be bê eweyi serdanî beẍda bikat.
diyare siyasetî 'erebî şî'eyi 'êraqîş ke ta radeyekî zor siyasetî îslamî siyasîyi şî'eye û berhemî siyasetî komarî îslamîyi êrane, le xwêndineweyi hawkêşe siyasîyekanî nawçeke û nêwdewlletî baş têdegen, beşî ewe bwar dehêllinewe ke nekewne siyasetî (sfr û sed)ـewe, emeş bew manayeyi eger zanîyan le prsêkda be asanî serkewtû nabin, ewa mucazefe be deskewtekanî dîkeyanewe naken, lem çwar çêweyeda, zor baş seng û pêgeyi herêmî kurdistanî êsta dexwêninewe û dezanin her hengawêk bew arasteye hellbigirin ke amance siyasîyekanî xoyan leser ḧîsabî mafekanî gelî kurdistan bedî bihênin, ewa mucazefe bew hemû deskewte deken ke le bardoxêkî taybetî nêwdewlletî le 'êraqda bedestiyan hênawe, lem çwarçêweyeda detwanîn billên, eger em yekrîzîyeyi herêmî kurdistan bem arasteyeyi êsta berrêwe biçêt û be yekdengîye mamelle legell pêşhate tazekan bikeyin, lewaneye ne herêmî kurdistan û ne 'êraqîş pêwîstiyan bewe nebêt le çwarçêwe konekeyi destûrî 'êraqda, peywendîyi dahatuyan rêk bixenewe.