legell eweyi lenaw kabîneyi noyemîşda wek ḧkumetêkî hawpeymanî nêwan çend ḧzbêk, car care core hewllêk debînîn ke asteng bo serkewtinî ḧukmirranî le kurdistan drust biken, lê cêgeyi xoşḧallîye ke ew hewllane lenaw proseyi ḧukmirranîda nîn û le çwarçêweyi peywendîyi nêwan ḧzbe siyasîyekane, herwek lêdwanî em dwayiyeyi wtebêjî yekêtî nîşitmanî kurdistan ke hewllêk bû drustkrdinî asteng le naw proseyi ḧukmirranîda, le beramberda wtebêjî partî dîmukratî kurdistan be aşkra raygeyand, ême sê mang pêş êsta dawaman krduwe ke legell mektebî siyasîyi yekêtî nîşitmanî kobibînewe bo eweyi eger kêşeyek heye, pêkewe çareserî bikeyin, bellam mektebî siyasîyi yekêtî xoyan ew kobûneweyan ta êsta dwaxistuwe û ême le hoyekanî rageyandinewe bîstûmane ke yekêtî gleyî heye. sebaret bew layenaneşî ke opozsiyoniyan le perleman hellbijarduwe, diyare le seretayi em xule û be penabrdin bo şêwazî popolîstîyane hewlliyanda asteng bo mtmanedan be serokî herêm û ḧkumetî herêmî kurdistan drust biken, herweha hewlliyanda pêş eweyi kabîneyi noyem dest bekar bêt, be pêşniyarkrdinî çend yasayek barî ḧkumet be şêweyek qurs biken ke netwanêt karekanî be serkewtuwîyi encambidat, bellam ewanîş boyan derkewt ke boyan naçête ser lenaw em proseyi siyasî û ḧukmirranîye seqamgîreda siyasetî popolîstî xoyan balla dest biken. kewate detwanîn billêyin: maweyi 100 rojî yekemî kabîneyi noyem, ciya leweyi maweyek bû bo pîşandanî ew nexşe rêgeyeyi em kabîneye ḧkumetî leser berrêwedebat, le hemanikatda serkewtinêkîş buwe beramber ew hewllaneyi ke deyanwîst asteng û kêşe bo karekanî ḧkumet drust biken.
her boye ew fakteraneyi ke debine hokarî eweyi be geşbînîyewe seyrî edayi ḧkumet le çwar sallî dahatû bikeyin, eweye ke kabîneyi noyem le maweyi 100 rojda twanî çwarçêweyi ew ḧukmirranîye pîşan bidat ke amancî xizimetkarîyi hawullatiyanî kurdistane, boye le qonaxî êsta û dahatûda ke dest dekat be gorranikarî le heykeleyi ḧkumet û tewawî bîrkrdinewe tazekanî em kabîneye bo xizimetî hawullatî dekewne ḧalletî cêbecêkrdinewe, ewa ew boşayiyeyi pêşitir le nêwan ḧkumet û xellkda hebû û ḧzbe siyasîyekanîş (be beşdar û opozsiyonewe) lew boşayiyewe asteng û kêşeyan bo ḧukmirranî drust dekrd, ew boşayiye prr debêtewe û ewanîş eger çaw be siyasetî xoyanda nexşêninewe û biyanewêt her kêşe û asteng bo ḧukmirranî drust biken, ewa ew ḧzbane (beşdarbin le ḧkumet, yan opozsiyon) le cemawerekeyi xoyan dûr dekewnewe û le hellbijardinekanî dahatûda dekewne perawêzewe.
le mêjuwî mirovayetîda, proseyi ḧukmirranî mêjûyekî taybetî heye. ew mêjuwe pêman dellêt: ḧukmirranîyi serkewtû wellamdaneweyi wîst û xwastî hawullatiyanî lokallî ew wllateye, katêk her ḧkumetêk bitwanêt le astî xwast û dawayi hawullatiyan bêt, ewa hawullatiyan û ḧkumet le bazneyekda pêkewe kodebinewe û dîmenêkî hamocînîyi tîkellawbûnî ḧkumet û xellk debînîn, eweyi wadekat be geşbînîyewe seyrî em mêjuwe bikeyin, eweye edayi kabîneyi noyem le maweyi em 100 rojeda pêman dellêt, hewllekanî bew arasteye buwe ke em dîmene hamocînîyeyi têkellawbûnî xellk û ḧkumet berceste bikat.
lewaneye pêşitir be hoyi naseqamgîrîyi proseyi siyasî û ḧukmirranî, balladestî eqllîyetî ḧzbokratî wayi krdbêt, bo ḧzbe siyasîyekan asan bûbêt be rêgeyi gutarêkî popolîstî kêşe û astengî gewre bo proseyi ḧukmirranî le kurdistan drust biken, bellam le êsta ke proseyi siyasî û ḧukmirranî ta astêkî baş berew seqamgîrî deçêt, ewa gutarî siyasîyi ḧzbekan lenêwan peyamî ḧkumet bo dabînikrdinî tewawî xizimetguzarîyekan bo hawullatiyan cêgeyi nabêtewe.
emeş manayi eweye kabîneyi noyem le maweyi em 100 rojeda, hemû hewllekanî bo ewe buwe ke gutarî siyasîyi ḧzbekan le peyamî ḧkumet bo dabînikrdinî xizimetguzarî hawullatiyan ciya bikatewe, em ciyakrdineweyeş be şêweyekî hênde lojîkane le naw gutare bêdengekeyi msirur barizanî jêrxanî bo drust krawe, ke zeḧmete ḧzbe siyasîyekan bitwanin be gutarî siyasîyi popolîstane xellkî kurdistan çewaşe biken, ewca ew xellkane hewadar û layengrî her ḧzbêk bin.
emiro le beşêkî zorî cîhanda, gewretirîn kêşeyi ḧkumet û ḧukmirranî ew gutare popolîstîyaneye ke ḧzbe siyasîyekan şeqamî pê decûllênin, bellam ew ḧkumetaneyi be pşitibestin be îradeyi hawullatiyaniyan û be hellbijardinî xizimetkarîyi hawullatiyanî xoyan, sîḧrî gutare popolîstîyekaniyan betall krdotewe û natwanin be gutarî popolîstî yarî be hest û sozî hawullatiyan biken. diyare kabîneyi noyem lemaweyi em 100 rojeda twanî be rêgeyi hengawekanî bo xizimetkarîyi xellk û birriyarekanî bo berjewendîyi xellk, seretayi kotayî bo her gutarêkî popolîstî dabinêt, ewca ew gutare popolîstîye, ayînî bêt, yan 'elmanî.
layenêkî dîkeyi geşbînî bo çwar sallî dahatuwî em ḧkumete, berinamekeyetî ke serok wezîran mebestêtî wek xoyi cêbecê bikrêt, lemeş giringtir serok wezîran nayewêt cêbecêkrdinî em berinameye bikate gutarêkî siyasîyi ḧzbîyane, yan ḧzbekeyi beser ḧzbekanî dîkeda feriz bikat, bellku ew mebestêtî cêbecîkrdinî berinameyi ḧkumet bibête fakterêk bo drustkrdinî yekrrîzî û yekgrtuwîyi û întîmayi nîşitmanî ke hemû hawullatiyanî kurdistan pêkewe grê bidatewe û em beşeyi kurdistan bibête umêdêk bo hawullatiyanî her çwar parçeyi kurdistan.
layenêkî dîkeyi giring ke fakterêkî zor giringe û geşbînî bo koyi proseyi ḧukmirranî le kurdistan drust dekat, çawdêrîyi wrdî serok ms'ud barizanî-ye ke le nzîkewe çawdêrîyi damezirawekan dekat û hemû hêzî xoyi dawete desellatî dadwerî bo eweyi yasa le kurdistan serwer bêt û hîç kesêk le seruwî yasawe nebêt, emeş leber eweye ke serok barizanî zor baş dezanêt, teniya rêge bo drustkrdinî netewe û parastinî şkoyi dewllet ew peyameye ke ḧkumet be rêgeyi dabînikrdinî xizimetguzarîyekanî bo hawullatiyan pêşkeşî dekat û, sazşîş leser em prse nakat, heta eger bacekeyi her çîyekîş bêt.